உயிர்னா என்ன ?

காலாண்டு பரீட்சை ஆரம்பித்து விட்டது குழந்தைக்கு ஒழுங்காக பாடம் சொல்லி கொடுங்க என்று உத்தரவு வந்தது.சரி உத்தரவை மீறினால் தண்டனை அனுபவிக்க வேண்டுமே என்று என் குட்டி மக்கா  இங்க வா நான் இன்னைக்கு உனக்கு பாடம் சொல்லித்தரேன்  சொன்னேன் .குழந்தை என்னை ஒரு மாதிரியாக பார்த்தது (நமக்கு  வராத ஒன்னே பற்றி ஏன்  சொல்லுறே).இன்று இரண்டில் ஒன்று பார்த்துவிடுவது என்று அறவியல் பாடத்தை எடுத்துகிட்டு வா என்று குட்டி மகளிடம் சொன்னேன்.

அப்பா,நான் கேள்வி கேட்கிறேன் நீ பதில் சொல்லு என்று குழந்தையிடம் சொன்னேன். அவள் உடனே எனக்கு சில சந்தேகம் இருக்கு அப்பா என்றாள்(என் மனைவியை முறைத்து பார்த்தேன்)குழந்தைக்கு என்ன பாடம் சொல்லிகொடுத்த என்று கேட்டேன்.நீங்க புத்திசாலி தானே(!!!......???). நீங்களே சொல்லி கொடுங்கள் என்று சொல்லிவிட்டு இடத்தை விட்டு நகர்ந்து சென்று விட்டாள்.

முதல் படத்தை எடுத்தேன் அதில் LIVINGTHINGS AND NONLIVINGTHINGS என்று இருந்தது .LIVINGTHINGS என்னவெல்லாம் என்று கேட்டேன், சரியாக பதில் சொன்னாள். அதே போல் NONLIVINGTHINGS என்னவெல்லாம் என்று கேட்டேன்.  அதற்கும் சரியான பதில் சொன்னாள். அடுத்ததாக   ஒரு கேள்வி கேட்டாள்.  LIVINGTHINGS AND NON LIVINGTHINGS என்ன அப்பா என்றாள்?

நானும் உயிர் உள்ளது எல்லாம் LIVINGTHINGS என்றும், உயிர் இல்லாதது எல்லாம் NON LIVINGTHINGS என்று கூறினேன். (என்ன ஒரு கண்டுபிடிப்பு). அடுத்த கேள்வி எனக்கு தலை சுற்றும் படி கேள்வி கேட்டாள். உயிர்னா என்ன அப்பா என்றாள்?(ஹய் பல்பு ).பதில் கூற முடியாமல் என் மனைவியை பார்த்து முழித்தேன். இப்படி ஒரு கேள்வியை கேட்டு என் உயிரை வாங்கிட்டேயே மக்கா?.என்று நினைத்து கொண்டே என் மனைவியை பார்த்தேன் அவள் என்னை பார்த்து சிரித்து கொண்டு இருந்தாள்(நல்லா மாட்டி விட்ட சந்தோசம்)

குறிப்பு::பின்பு ஒரு மணிநேரம் களித்து என் களிமண்ணை(மூளையை) உபயோக படுத்தி .உயிர்னா எது எல்லாம் வளருதோ அது எல்லாம் உயிர் உள்ளது.வளராதது உயிர் இல்லாதது என்று சமாளித்தேன் (நம்புங்கப்பா நான் தான் சொல்லிகொடுத்தேன் )