வரம்பு மீறிய செயல்கள்

செப்டம்பர் 1தேதி கிருஷ்ண ஜெயந்தி என்பதால் ஆணி(வேலை)இல்லை வீட்டில் ஓய்வு எடுக்கலாம் என்று நினைத்து தொழிலுக்கு விடுமுறை விட்டு விட்டு வீட்டில் இருந்தேன்.இன்று evening-ஷோ குழந்தையை கூட்டிகொண்டு செல்வோம் என்று வீட்டம்மா கூறிவிட்டாள்(பேச்சை மீற முடியுமா பிறகு யாரு அடிவாங்குறது).சரி என்று குழந்தையை கூட்டி கொண்டு theatre-க்கு போய் மின்விசிறி  இருக்கும் இடம் பார்த்து இருந்தோம்.

ரொம்பவும் கூட்டமில்லை சுமாரான கூட்டம் தான்.போனவுடன் என் பொண்ணு அப்பா popcorn-வாங்கி கொடுப்பா என்றாள்.இப்ப தானே வந்தோம் அதுக்குள்ளவ பிற்கு வாங்கி தருகிறேன் என்றேன்.உடனே பொண்ணு அவ அம்மாவை பார்த்தாள்(அவளுக்கும் தெரியும் போல இது டம்மி பீஸ்-ன்னு).என் மனைவி என்னை பார்த்து குழந்தை ஆசையாக கேட்கிறது இல்லையா போய் வாங்கி கொடுங்கள் என்றாள்(இன்னிக்கி படம் பார்த்த மாதிரி தான்).போய் ஒரு பாக்கெட் வாங்கி வந்து கொடுத்தேன்.ஏன் நாங்கள் எல்லாம் மனுசனா தோணலையா?என்றாள்.திரும்பவும் மாடி இறங்கி வந்து வாங்கிட்டு இருக்கும் போதே மணி அடித்துவிட்டார்கள்.வாங்கிட்டு மேல போனால் லைட் எல்லாம் ஆப் செய்துவிட்டார்கள் .என் சீட்டுக்கு போகும் முன் நாலு பேர கால மிதித்து.அவர்கள் என்னை பார்த்துபோங்க சார் என்றார்கள் (திட்டினத எல்லாம் வெளிய சொல்ல முடியாது.அவ்வளவு கொடூரமான வார்த்தை என்ன செய்ய?).

வந்து ஒரு வழியா என் இருக்கையில் அமர்ந்து என் மனைவியிடம் கொடுத்தேன்.அப்பொழுது தான் பார்த்தேன் என் இருக்கையின் முன்னால் ஒரு புதுமணதம்பதிகளோ?அல்லது காதலர்களா?தெரியவில்லை இருந்தார்கள்.சரி விடு நாம படத்தை பார்போம் என்று screan-அ  பார்த்த லெட்டர் சீன் முடிந்து படம் ஓடுகிறது .என் மகளும் popcorn தின்றுவிட்டாள்.சரி அடுத்து மாடி இறங்க வேண்டியது தான் (ரெடி ஆகிகோடா கைப்புள்ள)என்று நினைத்தேன் ஒன்றும் கேட்கவில்லை தப்பித்தேன் .

என் பொண்ணு என்னிடம்    ஏனப்பா அந்த அங்கிள் அந்த ஆன்ட்டி  தோள்  மீது தலை வைத்திருக்கிறார் என்று என்னிடம் கேட்டாள்.அப்பொழுது தான் நன் பார்த்தேன் முன்னால் இருந்த ஜோடியில் அவள் தோள் மீது அவன் சாய்ந்திருபதை.நான்  என் மனைவியை  பார்த்தேன் என்ன பதில் சொல்ல என்று இருவரும் முழித்தோம் . உடனே சமாளித்து அந்த அங்கிள்-க்கு காய்ச்சல் அதன் என்று கூறி சமாளித்தேன். ஒருவாறு அமைதியாகிவிட்டாள்.

 

கொஞ்ச நேரம் கூட ஆகவில்லை என் மகள் என்னிடம் அப்பா பாத்ரூம் என்றாள்.வேற வழி இன்னும் எதனை பேர் கால மிதிக்க போறோனோ (திட்டு வாங்க போறதா கொஞ்சம் மாற்றிசொன்னேன்).பாத்ரூம் போயிட்டு வந்து திரும்பி என சீட்டில் வந்து உட்காருவதற்குள் போதும் போதும் என்றாகிவிட்டது.படம் ஓடியது என் மகள் உறங்கிவிட்டாள் (குழந்தைகள் சினிமா வுக்கு வருவது popcorn ,ice cream சாப்பிடத்தானே ).இடைவேளை வந்தது என் மகள் தூக்கத்தை கலைத்து விட்டாள் அப்பா icecream என்றாள்,போய் என் மனைவி,எனக்கும் சேர்த்து வாங்கி கொண்டேன் (யார் திரும்பி வாங்கி கட்டி கொள்வது.)

அப்பொழுது  என் குழந்தை என்னிடம் அப்பா இபொழுது அந்த ஆன்ட்டி-க்கு காய்ச்சல் வந்துட்டுப்பா?என்றாள்.முன்னிருக்கையில் பார்த்தால் இப்பொழுது அவன் தோள் மீது அவள் சாய்ந்திருபதை பார்த்தேன்.நானும் என் மனைவியும் முழித்தோம் பதில் கூற முடியாமல்.பிறகு பேசாம படத்தை பாரு அல்லது தூங்கு என் மனைவி சத்தம்போட பேசாமல் தூங்கிவிட்டாள்.

எங்க குடும்பத்துடன்  போனாலும்  இவங்க தொல்லைதாங்க முடியலை.மற்றவர்கள் முகம்சுளிக்கும் அளவுக்கு எல்லை மீறிய செயல்கள் தேவையா?அதுவும் பொதுஇடங்களில்.என்னை மாதிரி எத்தனைபெற்றோர்கள்  இப்படிகேள்விக்கு பதில் கூற முடியாமல் தவிப்பார்கள் (குறிப்பாக ஜெ-அண்ணன்   அவர்கள்).  

குறிப்பு:

நீ ஏன் முன்சீட்ட பார்த்த படத்த பார்க்கவேண்டியது தானே என்று கமெண்ட்ஸ் போடாதீர்கள்.சினிமாவில் நடப்பது போல நம் நிஜ வாழ்விலும் மரத்தை சுற்றி டூயட் பாட வேண்டும் என்று நினைகிரார்களோ என்னவோ ?சினிமா வேறு நிஜ வாழ்க்கை வேறு என்று இவர்களுக்கு புரிய  வைப்பது யாரோ?