இது நியாயமா ?

புதுசா ஏதாவது சொல்லனும்னு தோணுச்சு(டேய் யாருடா அது கல்லு எரியறது)வாங்க terror,வெங்கட்,அருண் ,ரமேஷ்,செல்வகுமார் ,சௌந்தர் மற்றும் ஜெ அண்ணன் ஆடு பலிபீடத்தில்  தலையை வைச்சாச்சு வந்து வெட்டிட்டு போங்க ...... 

நமது நாட்டில் கடந்த வாரம் நாடாளுமன்றத்தில் M.pகளுக்கு சம்பளம் போத வில்லை என்று பெரிய அமளி நடந்தது .அதாவது அவர்களுக்கு 16000 ருபாய் போதவில்லை அதை 80000 ரூபாயாக வேண்டும் என்று அமளி .உடனே நமது ஆளும் அரசு அவர்களுக்கு 50000 ருபாய் அதிகரித்து கொடுத்திருக்குது .நமது நாட்டில் இது ஒன்றும் புதுதிது இல்லை .அரசு உழியர்களுக்கு ஐந்து ஆண்டுகளுக்கு ஒரு முறை ஐந்து ஆண்டு திட்டம் என்று கூறி சம்பளம் அதிகரிக்கபடுகிறது .இது நடைமுறைல் நாம் பார்த்துவருகிறோம்.

என்னுடைய கேள்வி என்வென்றால் நாம் தேர்ந்தெடுக்கும் M .p களுக்கு இந்த 16000 ருபாய் போதெவில்லைஎன்றால், இந்த நாட்டில் ரூ.16,000 ஒரு குடும்பம் பிழைப்பதற்குப் போதுமானதல்ல என்றல்லவா பொருள்?.

இது ஒரு புறம் இருக்க இவர்களுக்கு வருடத்திற்கு விமானதில் பயணம் செய்ய இலவசம்,ஒருநாள் நாடாளுமன்றத்தில் கலந்துகொள்ள ரூ.1000,அதுபோக ரூ .5000.அலுவலக பராமரிப்பு க்கு ,இலவச தொலைபேசி அழைப்புகள் ,தன்னுடன் இலவசமாக உதவியாளர் அல்லது மனைவியை அழைத்து செல்லலாம் எதற்காக இத்தனை சலுகைகள் ? நமது நாட்டின் பெரும்பான்மை M.p.கள் இந்த ஊதியத்தை நம்பித்தான் வாழ்ந்து வருகிறார்களா?

எத்தனை கோடி செலவு செய்து வெற்றி பெற்று வந்துள்ளார்கள் இவர்கள்? கடந்த நாடாளுமன்றத் தேர்தலில் தமிழ்நாட்டில் போட்டியிட்டு வெற்றி பெற்ற வேட்பாளர்கள்,வாக்காளர்களை மகிழ்விக்க எத்தனை கோடிகளை அள்ளி வீசினார்கள் என்பது மக்களுக்கே தெரியும் .

நமது நாட்டில் மொத்த மக்கள் தொகையில் 37விழுக்காட்டினர்(நானும் விஜயகாந்த் மாதிரி சொல்ல நினைத்தேன் முடியல ) வறுமைக் கோட்டிற்குக் கீழ் உள்ளவர்கள் என்று அரசு அமைத்த டெண்டுல்கர்(கிரிக்கெட் வீரர் இல்லை மக்கா ) குழு கூறியுள்ளது. அதாவது நாள் ஒன்றிற்கு ஒரு வேளை உணவிற்கு திண்டாடுபவர்கள்!.இப்படி இருக்கும் மக்கள் (வாக்காளர்கள் ).ஊடு போட்டு தான் இவரகள் நாடாளுமன்றத்திற்கு செனறார்கள் .ஆனால இவர்கள் நமது M.pகள் தங்களைத் தேர்ந்தேடுத்தனுப்பிய அவர்களின் வாழ்வைப் பற்றிச் சிந்திக்காமல், தங்களின் வசதியை அரசு செலவில் பெருக்கிக்கொள்ளத்தான் இந்தப் பாடு படுகிறார்கள்.

நம் அரசு M.pகளுக்கு சமபளத்தை அதிகரித்து கொடுப்பதால் ஏற்படும் செலவினால் ஒன்றும் மூழ்கிவிடப் போவதில்லை .ஆனால், மக்கள் பிரதிநிதிகள் தங்களைத் தேர்ந்தெடுத்த மக்களின் ஒரு பெரும் பிரிவினர் வறுமைக் கோட்டிற்குக் கீழ் வாழ்வதைப் பற்றி சற்றும் பொருட்படுத்தாமல்,ஊதியஉயர்வு கேட்பது நியாயமுமல்ல, ஜனநாயகமுமல்ல.

குறிப்பு:

சில புள்ளி விவரங்கள் உடகங்கள் வாயிலாக தேடி எடுக்கபட்டது .ஏனென்றால் விஜயகாந்த் என் பதிவை பார்பதாக கேள்விப்பட்டேன் அதனால் புள்ளிவிவரங்கள் தேட வேண்டியதாக போய்டுச்சி மத்தபடி இது என் சொந்த கருத்துகளே