இம்சைஅரசன் பாபு

டெரர் கும்மி விருதுகள் ..

2011-12-26T21:33:00.000-08:00

அனைவருக்கும் வணக்கம்,

கொஞ்சம் இருங்க.. இது என் ப்ளாக்தானான்னு செக் பண்ணிட்டு வர்றேன்... ம்ம்... என்னோட ப்ளாக்தான், நல்லவேள ஆட்சி மாறிடுச்சு.. இல்லைனா இதையும் பட்டா போட்ருப்பாங்க. சரி.. அரசியல் பேச இங்க வரலை... லேட்டா வந்தாலும் லேட்டஸ்ட்டா வந்துருக்கேன். எங்களோட டெரர் கும்மிய பத்தி நான் உங்களுக்கு சொல்லவேண்டியதில்லை. அதன் மணமும் அங்க உள்ளவங்களோட மனசும் உங்களுக்கு நல்லாவே தெரியும். கதை ,HUNT FOR HINT போட்டின்னு கலந்து கட்டி அடிச்சது நாங்க தான் .

அதுக்கெல்லாம் ஆதரவு கொடுத்த உங்களுக்கு நன்றி சொல்லிவிடுகிறேன்.இப்ப நாங்க விருதுகளோட வர்றோம். கண்டிப்பா அனைவரும் கலந்துக்கங்க. அந்த வெற்றியாளர் நீங்களாக கூட இருக்கலாம். மேலும் விபரங்களுக்கு தொடந்து படிங்க.

அனைவருக்கும் வணக்கம்,

ஒரு இனிமையான பொழுதில் மீண்டும் உங்களை சந்திப்பதில் மிக்க மகிழ்ச்சி. முதல் முறையாக இதைப் படிப்பவர்கள் சிரமம் பாராமல் டெரர் கும்மி விருதுகள் அறிவிப்பு மற்றும் டெரர் கும்மி விருதுகள் போட்டி விதிமுறைகள் ஆகிய இரண்டு பதிவுகளையும் படித்துவிட்டு இதை தொடருங்கள். நாங்கள் ஏற்கனவே அறிவித்தபடி இன்று டிசம்பர் 26-ம் தேதி உங்கள் பதிவுகளை இணைப்பதற்கான அறிவிப்போடு வந்துள்ளோம்.

முதலில் நாங்கள் கொடுக்கும் இணைப்பை தொடுத்து எங்கள் போட்டிக்கான தளத்தை திறந்துகொள்ளுங்கள். அதில் உங்கள் மின்னஞ்சல் முகவரி கொடுத்து முதலில் பதிவு செய்து கொள்ளுங்கள். உங்களுடைய பதிவு ( ரெஜிஸ்டர் )ஏற்றுக்கொள்ளப்பட்டுவிட்டால் விரைவில் உங்களுக்கு ஆக்டிவேசன் லிங்க் அனுப்பப்படும் என்ற தகவல் ( மெசேஜ் ) வரும். உங்கள் மின்னச்சல் முகவரிக்கு அந்த லிங்க் வரும்வரை தயவுசெய்து காத்திருங்கள். எதற்கும் உங்களுடைய ஸ்பேம் அல்லது ஜங்க் மெயிலையும் சோதனை செய்துகொள்ளுங்கள். மின்னஞ்சலில் ஆக்டிவேசன் லிங்க் கிடைக்கப்பட்டு அதை அழுத்தினால் நீங்கள் இப்போது பதிவுகளை இணைப்பதற்கு தயாராகிவிட்டீர்கள் என்று அர்த்தம்.

பதிவுகளை இணைப்பதற்கு இரண்டு பிரிவுகளாக வைத்துள்ளோம். பொதுப்பிரிவில் நீங்கள் விதிமுறைகளுக்கு உட்பட்ட மூன்று பதிவுகளை மட்டுமே இணைக்கமுடியும். அடுத்து புதுமுக பதிவர்களுக்கான பிரிவு. இதில் அவர்களின் சிறந்த பதிவாகக் கருதும் மூன்று பதிவுகளை இணைக்கலாம். மேலும் புதுமுக பதிவர்கள் மட்டும் பொதுப்பிரிவில் இணைத்த பதிவுகளையும் புதுமுக பிரிவில் இணைக்கலாம். பதிவுகளைஇணைக்க கடைசி தேதி 2012 ஜனவரி 6 என்று விதிமுறைகளில் அறிவித்தோம். பல வாசகர்கள் தொடர்புகொண்டு விடுமுறை நாட்கள் அதிகம் வருவதால் கால அவகாசத்தை நீட்டிக்க சொன்னார்கள். அவர்களின் வேண்டுகோளுக்கு இணங்க 2012 ஜனவரி 10 வரை நீட்டிக்கப்படுகிறது. அதற்க்கு பிறகு இணைக்கப்படும் பதிவுகள் பரிசீலனைக்கு ஏற்றுக்கொள்ளப்படமாட்டாது. இதில் ஏதேனும் சந்தேகம் இருந்தால் எங்களுடைய விதிமுறைகள் பற்றிய பதிவை மீண்டும் ஒருமுறை படியுங்கள். இதையும் மீறி ஏதேனும் சந்தேகம் அல்லது பதிவு செய்வதில் ( ரெஜிஸ்டர் ) பதிவுகளை இணைப்பதில் பிரச்னை அல்லது குழப்பம் இருந்தால் தயங்காமல் கருத்துரைகளில் கேளுங்கள் அல்லது contest_2011@terrorkummi.com என்ற மின்னஞ்சல் முகவரிக்கு உங்கள் கேள்விகளை அனுப்புங்கள்.உங்களுக்கு உதவுவதற்காக நாங்கள் காத்திருக்கிறோம்.

இப்போது நீங்கள் செய்ய வேண்டியது சுலபமான ஒன்றுதான். கீழே கொடுக்கப்பட்டிருக்கும் இணைப்பை பயன்படுத்தி எந்த பிரிவில் உங்கள் பதிவுகளை இணைக்கப்போகிறீர்கள் என்று தேர்வு செய்து உங்கள் பதிவுகளைஇணைக்கவும். இணைப்பதற்கு முன் ஒரு முறைக்கு இரு முறை சரியான பிரிவில் சரியான பதிவை இணைக்கிறீர்களா என்று உறுதிப்படுத்திக்கொள்ளுங்கள், ஏனென்றால் ஒருமுறை இணைத்த பதிவை மறுமுறை மாற்ற இயலாது. மீண்டும் அனைவருக்கும் வாழ்த்துக்களை கூறிக்கொண்டு தொடர்ந்து உங்களோடு இணைந்திருக்கிறோம். நன்றி.

"பதிவுகளை இணைக்க இங்கே அழுத்துங்கள்"

ஊடகங்கள் மீது கோபம ஏன் ?

2011-07-11T04:22:00.000-07:00

தயாநிதி மாறன பதவி விலகியது பற்றி செய்தியாளர்கள் முன்னாள் முதல்வர் கருணாநிதியிடம் கேள்வி கேட்ட பொழுது “இன்றைய உலகில், குறிப்பாக இந்தியாவில் ஊடகங்கள் ராஜ்ஜியம்தான் நடக்கிறது. அவர்கள் நினைத்தால் யாரையும் இழிவுபடுத்த முடியும். அதற்கு தயாநிதி மாறன் விதிவிலக்கல்ல”என்று கூறியது நகைச்சுவையாக உள்ளதுதனது பேரன் தயாநிதி மாறன பதவி விலகியதற்கு ஊடகங்கள் தான் காரணம் என்று கருணாநிதி நேரடியாக குற்றம் சாட்டுகிறார். கலைஞர் இப்படி குற்றம் சாட்டுவது முதல் முறை அல்ல .இதற்க்கு முன்பும் நிறைய தடவை இந்த மாதிரி குற்றம்சாட்டி உள்ளார்.

தயாநிதி பற்றி ஊடகங்களில் வரும் செய்திகள் கடந்த ஆறு வாராமாக தான் வருகிறது .ஆனால் தனது அதிகாரத்தை துஷ்பிரயோகம் செய்து ஏர்செல் நிறுவனத்தை மலேசிய நிறுவனத்திற்கு விற்க தன் அதிகாரத்தை பயன்படுதியது 2004 முதல் 2007ஆம் ஆண்டு வரை தயாநிதி மாறன் தொலைத்தொடர்பு அமைச்சராக இருந்த காலத்தோடு தொடர்புடையதாகும். அப்பொழுதெல்லாம் இவரது குடும்ப ஊடகங்களை வைத்து என்ன செய்து கொண்டிருந்தார்கள் என்று இவருக்குத் தெரியாதா? எத்தனையோ பிரச்சனைகளை உங்கள் டீவிகளில் போட்டு ஊதி ஊதி குளிர்காய்ந்தீர்களே, உங்கள் பேரன்கள் எடுக்கும் குப்பை படங்களைக்கூட டீவியில் விளம்பரம் செய்து செய்து ஓட்டி காசு பாத்தீர்களே, அப்போது வராத இந்த கோபம இப்ப மட்டும் ஏன் ஊடகங்கள் மீது வந்தது? குடும்பப்பாசம் கண்ணை மறைக்குதோ? தன் குடும்பத்திற்குள், சொத்தையும் கட்சியையும் பங்கு பிரிப்பதில் ஏற்பட்ட பிரச்சனைகளை தமிழ்நாட்டில் அரை மணி நேரத்துக்கு ஒரு முறை ஒளிபரப்பியது நாறடித்தது சன் டிவி தான் என்பது கலைஞருக்கு வேண்டுமென்றால் மறந்திருக்கலாம், மக்களும் மறந்துவிடுவோமா என்ன?

ஆனால் இப்போதும் உண்மை எதுவென்றால் தயாநிதி மாறன் பிரச்சனையோ, ஸ்பெக்ட்ரம் பிரச்சனையோ, ஊடகங்களால் உருவாக்கப்படவில்லை. இது சாதாரண மக்களுக்கும் புரியும் .2G அலை கற்றையின் ஊழல நாயகன் ராசா என்று தன்னை ஊடகங்கள் வர்ணிப்பதை பொருக்க முடியாத தொலைத் தொடர்பு முன்னாள் அமைச்சர் ஆ.இராசா ஒரு உண்மையை கூறினார். “எந்த வழிமுறைகளை பின்பற்றி எனக்கு முன்னால் இருந்த அமைச்சர்கள் 2ஜி அலைக்கற்றை ஒதுக்கீட்டை செய்தார்களோ அதே வழியைத்தான் நானும் கடைபிடித்தேன” என்று கூறினார். அதுதான் தயாநிதி மாறனுக்கு வினையானது.

உண்மையில் கலைஞரின் ஆதங்கம் வேறு! அவர் கூறிய வார்த்தைகளை மீண்டும் நினைவுபடுத்துங்கள். “ஊடகங்கள் நினைத்தால” என்று அவர் கூறுவதற்குக் காரணம், தனது கட்சியினரின் ஊழலை மட்டுமே இந்த ஊடகங்கள் பெரிதுபடுத்துகின்றன” என்பதே அவருடைய ஆதங்கம். “நாட்டில் பல ஊழல்கள் நடந்து இருக்கிறது அவர்களையெல்லாம் விட்டுவிடுகிறீர்கள், எங்களை மட்டும் பெரிதாக ஊடகங்கள் சித்தரிகின்றன என்பதுதான் அவர் கோபம் என்று அவருடைய வார்த்தைகளில் தெரிகிறது. ஆனால், உங்களுக்கு நெருங்கியவர்கள் வேண்டுமென்றே கசியவிடும் ஆதாரத்தைக் கொண்டு நாட்டு மக்களுக்கு உண்மையை தெரிவிப்பது குற்றமா? இதே வேலையை உங்கள் குடும்ப தொலைக்காட்சிகள் முன்பு செய்யவில்லையா? ஆதாரங்களைக் கசியவிட்டவர்களிடம் அல்லவா நீங்கள் கோபப்பட வேண்டும்? அதைவிட்டுவிட்டு அதைச்சொன்ன ஊடகங்கள் மீது கோபப்படுவது நியாயமா? உங்களுடைய குடும்பத்தினர்தானே தமிழ்நாட்டில் ஊடக சாம்ராஜ்யத்தையே நடத்தி வருகிறார்கள்? நானும் ஒரு பத்திரிகையாளன் தான் என்று அடிகடி மார்தட்டி கொள்ளும் நீங்கள் இப்படி கூறலாமா..?

இதற்கு ஊடகங்கள் என்ன செய்ய முடியும் ..? அவர்கள் தொழில் அது. நீங்கள் கூட்டணி வைத்திருக்கும் மைய அரசு தரும் தகவல்களைத்தான் அவர்கள் வெளியிடுகிறார்கள். ஆதாரத்தை அள்ளித்தரும் அந்த நபர்களை நீங்கள் கண்டு கொள்ளாதது ஏன்? நீரா ராடியா உரையாடல்களை பதிவை செய்தது யார்? அது எந்தத் துறை?அந்த ஒலிநாடாக்களை வெளியிட்டது யார்?அது எந்தத் துறை? இதை உங்கள் ஊடகங்களால் இன்று வரை கண்டுபிடிக்க முடியவில்லையா? உங்களுக்குத் தெரியாமலா இவ்வளவும் நடந்தது? முடிந்தால் இருந்தால் அதக் கண்டுபிடித்து உங்கள் குடும்ப டீவியில் ஒளிபரப்புங்களேன், தெரிந்து கொள்ள எங்களுக்கு ஆசையாக இருக்கிறது.

பதிவர்களே நெல்லைக்கு வாங்க .....

2011-05-30T22:17:00.000-07:00

ஞாயிறு (29-05-11)மாலை ஐந்து மணிக்கு என் குடும்பத்தோட நண்பர் ...இல்ல .இல்ல... அன்பர் சங்கரலிங்கம் அவர்களை பார்க்க சென்றேன் .ரொம்ப எளிமையான மனிதர் .இவரை சந்திக்க எனக்கு வாய்ப்பு ஏற்படுத்தி தந்த கௌசல்யா சகோதரி அவர்களுக்கு நன்றியை தெரிவித்து கொள்கிறேன் .நிறைய விழிப்புணர்வு கட்டுரைகள் இணைய உலகத்தில் கொட்டி கிடக்கிறது. சில சமயம் நானும் சொல்லி இருக்கிறேன் ,செயல் படுத்துவது ரொம்ப கடினம் .ஆனால் சங்கரலிங்கம் சார் அவர்கள் வாய் சொல்லில் மட்டும் வீரராக இல்லாமல் செயலிலும் காட்டி அசத்தி கொண்டு வருகிறார் என்பதை என் நண்பர்களுக்கு பெருமையுடன் தெரிவித்துக்கொள்கிறேன் .

முதலில் நான் என் குடும்பத்தோடு நெல்லை போய் சேர்ந்தேன் .பிரபல பதிவர்கள் என்றால் கொஞ்சம் லேட் ஆக தான் வருவாங்க. அதே மாதிரி கௌசல்யா சகோதரி தன் கணவருடன் லேட் ஆக வந்து சேர்ந்தார் .மற்றொரு பதிவர் ராம்குமார் 2006 முதல் எழுதுகிறார் www.nellainanban.blogspot.com நெல்லை நண்பன் என்ற வலைபூவில் எழுதுகிறார் .அவர் என்னை ,கௌசல்யாவை விட சீனியர் அதனால் அதன் பிறகு தான் வந்தார் (சீனியர் என்றால் அப்படி தான் இருக்கணும் போல ...ஹி ..ஹி ..).

ஆனா ரொம்ப சின்ன பையன் 25வயது தான் .இவர்களை சந்தித்தலில் மிக்க மகிழ்ச்சி .

அப்படியே நெல்லையில் பதிவர் சந்திப்பு பற்றி பேச்சு திரும்பியது .நானும் என் பங்குக்கு நம்ம PSV சார் ,கோமாளி செல்வா இவர்களை கூப்பிட்டேன் .இருவரும் வருவதற்கு சம்மதம் தெரிவித்து உள்ளார்கள்.அப்புறம் சங்கரலிங்கம் சார் வாங்க மிதிலா ஹால் போய் பார்த்துட்டு வருவோம்ன்னு கூப்பிட்டார்கள் ..போய் பார்த்துவிட்டு ஜூன் 17 அன்று confirm பண்ணிவிட்டு வந்தோம் ...

திருநெல்வேலியில் நடைபெற இருக்கிறது. 'உணவு உலகம்' திரு சங்கரலிங்கம் அவர்கள் தலைமையில் வரும் 17.06.2011 வெள்ளி அன்று, பதிவர்கள் சந்திப்புக்கு ஏற்பாடுகள் செய்துள்ளோம்.

இடம்: மிதிலா ஹால்,A/C.

ஹோட்டல் ஜானகிராம்,

மதுரை ரோடு,

திருநெல்வேலி சந்திப்பு.

நாள்: 17.06.2011

நேரம்: காலை 10.00 மணி

10.06.2011 குள் வருபவர்கள் உறுதி செய்து விட்டால், அதற்கேற்றார் போல நிகழ்ச்சிகளை ஏற்பாடு செய்து விடலாம்.

அவரது unavuulagam@gmail.com mail ID க்கு உறுதி செய்து மெயில் கொடுங்கள்.(தாழ்மையுடன் கேட்டு கொள்கிறேன்..ஹையோ ..என்னோட ஸ்டைல்ல இருகரம்கூப்பி கேட்டு கொள்கிறேன் )

அவரது செல் எண் 9442201331.

என்னது ..டேய் சத்தம் போடாதீன்கப்பா... டெர்ரர் அண்ட் ரமேஷ் எதோ கேக்குறாங்க ...அல்வாவா..? கண்டிப்பா உண்டு மக்கா ...ஹி ஹி .....நேத்தே எனக்கு கிடைச்சிட்டு (அதுக்கு தானே போன அப்படின்னு எவனோ அங்க சொல்லுறான் பாரு ..)..

எலேய் ரமேஷ் சாப்பாடு ஓசூ தாண்டா(அப்ப தான் பய புள்ள முதல் ஆளாக வந்து நிப்பான் ..) .......உன்னால விடுப்பு எடுக்க முடிந்தால் வா ..

நம்ம சித்ரா அக்கா வாராக ..

நாஞ்சில் மனோ வாராக ..

கோமாளி செல்வா வாராக ..

சி .பி செந்தில் குமார் வாராக ..

சீனா ஐயா வாராக ..

வேடந்தாங்கல் கருண் வாராக ..மற்றும் நம் பதிவுலக நண்பர்கள் எல்லாம் வாராக ...வாம்மா மின்னல் ..சீ தூ ..ஒரு ப்ளோல அப்படியே வந்துட்டு ...நீங்களும் வரலாம் மக்காஸ் ..

ஏலே ஜெயந்த் நீ எப்போ ஊருக்கு வர ..அத சொல்லு ...

பதிவுலக நண்பர்கள் அனைவரையும் நேராக காண்பதில் ஆவலாக உள்ளேன் .எல்லோரும் கலந்து கொள்ளும் படி இரு கரம் கூப்பி கேட்டு கொள்கிறேன் ...

என்னாது ..பார்ட்டியா ..?சோறு மட்டும் தான். அங்க வந்து தல சுத்துற மாதிரி இருக்கு ..கீழ போய் .பழரசம்(புரிஞ்சுக்கோன்கப்பா..!!) குடிக்க போனேன்னு யாராவது சொன்னா ..நான் திருநெல்வேலிகாரன் ..அருவாக்கு வேலை கொடுத்துராதீக ..இது ஒரு குடும்ப விழா ..அனைவரும் வருக ! விழாவை சிறப்பித்து தருக !!

மலரும் நினைவுகள் ..!!!

2011-05-06T21:48:00.000-07:00

நான்காம் வகுப்பு முடித்து ஐந்தாம் வகுப்பு செல்லும் தன் மகனை கூட்டிக்கொண்டு பள்ளி நோக்கி செல்கிறாள் தாய். ஒரு நடுத்தர குடும்பத்தை சார்ந்தவர்களாக இருந்தாலும் பையன் படிப்பு முக்கியம் என்று மெட்ரிக் பள்ளியில் படிக்க வைத்தனர். அந்த குக்கிராமத்தில் ஆங்கில வழி கல்விக்கு போகும் முதல் சிறுவன் அவன் தான். சென்னையில் பணி புரியும் தனது கணவன் அனுப்பிய பணத்தினை எடுத்துக்கொண்டு அந்த வருடத்திற்கான ஸ்கூல் பீஸ் கட்ட எழுத்தாள் சொல்லிட முடியாத அளவு சந்தோசத்துடன் தன் கையை இறுகப்பற்றி பற்றிக்கொண்டு வரும் மகனின் முகத்தை பார்த்து மனதில் மட்டற்ற மகிழ்ச்சியுடன் சந்தோசத்துடன் கூட்டி கொண்டு செல்லும் அந்த தாயிடம்

"புக் எல்லாம் வாங்கிருலாம் இல்லையா அம்மா ....!!

"வாங்கிருவோம் செல்லம்" ..

"அம்மா அப்படியே கடைக்கு போய் பிரவுன் சீட் ..ஸ்டிக்கர் லேபிள் எல்லாம் வாங்குவோம் அம்மா" ..

இல்லடா அப்பா பீசுக்குக்கு மட்டும் தான் பணம் அனுப்பி இருக்காங்க.. இன்னும் 20 நாள் கழிச்சு அப்பா வந்து வாங்கி தருவாங்க சரியா ..

பையன் வெடுக்கென்று அம்மாவின் கையை தட்டி விட்டு..... போன வாட்டியும் இப்படி தான் சொன்னீங்க கடைசில அப்பா ஸ்கூல் திறந்து ரெண்டு நாள் கழித்து தான் வந்தாங்க, அப்புறம் தான் எனக்கு அட்டை எல்லாம் போட்டு தந்தாங்க .என் பிரெண்ட்ஸ் எல்லோரும் முதல் நாளே புதுபேக் ,வாட்டர் பாட்டில் எல்லாம் கொண்டு வந்தாங்க ..என்று கோவமாக கத்தினான் .

"சரிடா அப்பா சீக்கிரம் இந்த வாட்டி வந்திருவாங்க, நீ ஏன் நடு ரோட்டில் இருந்து இப்படி கத்துற" என்று அம்மா கொஞ்சம் கடுஞ்சொற்களை வீசினாள் ..

அவனது மலர்ந்த முகம் வாடிப்போனது. அதன் பிறகு அவன் ஒன்றும் சொல்லவில்லை .. பேருந்து பிடித்து ஊர் வந்து சேர்ந்தார்கள் ..

அதே சிறுவனின் கால் நூற்றாண்டு வாழ்க்கைக்கு பிறகு

தன் மகளுக்கு பாட புத்தகம் வாங்கி வீட்டில் வைத்தான் ..

"அப்பா பைக் ஸ்டார்ட் பண்ணுங்க போய் பிரவுன் சீட் ,வாட்டர் பாட்டில் ,பேக் ..எல்லாம் வாங்கி வருவோம்" என்றாள் மகள்

"குட்டிமா இன்னைக்கு மே 7 தான் ஆகி இருக்கு இன்னும் நாள் இருக்கு பிறகு வாங்கலாம்" என்று கூறியதும் தான் தாமதம் இன்றைக்கே வாங்க வேண்டும் என்று அழுது புரண்டு அடம பிடிக்க ஆரம்பித்தாள்..

அச்சமயம் அங்கே வந்த தாயின் நினைவில் பழைய நாட்கள் வந்து செல்ல அவனை பார்த்து "அப்பனுக்கு மகள் தப்பாம பிறந்து இருக்கிறாள் " என்று சிரித்து விட்டு சொன்னாள்..

ஆம் ..அது ஒரு சந்தோசம் தான் புது புக் ,நோட்ஸ் எல்லாம் வாங்கி அட்டை போட்டு ..லேபிள் ஒட்டி,பேர் எழுதி வைக்கிறது ..கூடவே சோப்பு கவர் எடுத்து புக்குள்ள வைச்சு புக் திறக்கும் பொழுது வரும் வாசனை ..மயில் இறகு வைத்து அரிசி கொஞ்சம் வைக்கிறது ..ஏன் என்றால் மயில் இறகு குட்டி போடுமாம் ..(புக் அப்புறம் திறத்து பார்ப்பதே கிடையாது ..அது வேற விஷயம் ..)

பத்தாம் வகுப்புக்கு அப்புறம் மார்க் சீட் வீட்டில் காண்பிப்பதே கிடையாது .அம்மாவின் கையெழுத்தை எம்.சுப்புலெட்சுமின்னு அழகாக போடுவான் அந்த பையன் ....

இப்படி தன் கடந்த காலத்தை நினைத்தவன் .தன் மகளை பைக்கில் ஏற்றி கொண்டு கடை நோக்கி சென்று எல்லாம் வாங்கி வந்தான் ..

இன்று இரவு கச்சேரி இருக்குது ..அட்டை போடணும் லேபிள் ஓட்டனும் பேர் எழுதணும் ..ஹையோ ..ஹையோ ..

இந்த அப்பாவும் ,பொண்ணும் யாருன்னு கேக்குறீங்க ...சாட்ச்சாத் பாபுவும் ..அவள் மகளும் தாங்க ..சின்ன பிளாஷ் பாக் ..நினைத்து பார்த்தல் சந்தோசம் மனதில் பரவி கிடக்கிறது ..

அடை மொழி பேர்....!

2011-03-17T01:47:00.000-07:00

(இவர்கள் வரிசையில் "இம்சை அரசன் பாபு "...)

தற்பொழுது நாட்டுக்கு ரொம்ப அவசியமான பதிவு ஒன்னு எழுதனம்ன்னு பதிவுலக நண்பர்கள் ..எல்லோரும் கெஞ்சி கேட்டு கொள்வதால் இந்த பதிவை எழுதுகிறேன் ..அதிலும் நம்ம சௌந்தர் என் காலில் விழுந்து கெஞ்சி கேட்டதால் வேறு வழி இல்லாமல் இதை எழுதுகிறேன் ,,ஹி ..ஹி ..புரட்சி தலைவி அம்மா மாதிரி என் மனது யாரவது காலில் விழுந்தால் உடனே அவர்களுக்கு இயன்ற அளவு உதவி செய்யும் மனது உள்ளவன் ...

டேய் எதுக்கு இவ்வளவு பிலாகானம் கொடுக்குற ..முதல் ல நீ என்ன பதிவு எழுத போற அத சொல்லு என்கிறீர்களா ..அதாங்க எதோ பெயர் காரணம் சொல்லுனுமாம்லா ..அத பத்தி தான் ..

இப்ப இருக்குற ஹிந்தி நடிகர்கள் ஷாருக்கான் ..சல்மான் கான் ..அமிர்கான் ...பாராஹ் கான் ..அது மாதிரி தான் எனக்கு பேர் வைகனும்ன்னு நினைசிருப்பாங்க போல என் பெற்றோர்கள் ...நான் பிறக்கும் பொழுது இவர்கள் பிரபலம் ஆகவில்லை ..அதனால் ..

நேதாஜி ...நேருஜி ..மாதிரி பாபுஜி ...அது என்ன ஜி (சீ .அயோக்ய பயலே யார் கூட கம்பேர் பண்ணுற உன்னை )இல்லை மக்கா இப்படி நாட்டுக்காக உழைத்த நல்லவர்கள் போல ..என் மகனும் உழைக்கணும்ன்னு பாபுன்னு பேர் வெச்சாங்கன்னு ....நான் சொல்லுவேன் .!.ஆனா அதை நீங்க நம்ப மாட்டீங்க ...எதோ என் ஆச்சி (பாட்டி )பேர் பாப்பாத்தி அதனால தான் உன் பேரு பாபுன்னு விட்டுருக்காங்கன்னு யாரோ உங்க கிட்ட தவறான தகவல் தந்ததை தான் நீங்க நம்புவீங்க ...சரி விடுங்க .பாபு என்ற பேர் அப்படியே இருக்கட்டும்ன்னு விட வேண்டியது தானே என் அப்பா ...

அப்பவே எங்க அப்பா "பெண்கள் நாட்டின் கண்கள்"என்ற கொள்கையுடன் வாழ்ந்தவர் ....பள்ளியில் சேர்க்கும் பருவம் வந்தவுடன் பள்ளிக்கு அழைத்து சென்று பேர் சொல்லி இருக்கிறார் ..அங்கு தான் தலைமை ஆசிரியர்( என் அப்பாவின் நண்பர் போல) ..முதல் குழந்தைக்கு உன் அப்பா(தாத்தா )பேர் வைச்ச ..இந்த பிள்ளைக்கு உன் மனைவியின் தந்தை பேர் வைக்கலியான்னு கேட்டு இருக்கார் ...உடனே கூட முத்து குமார் என்று சேர்த்து விட்டார்கள் ..என் அம்மாவின் அப்பா பேர் முத்து சாமி ..

இப்படி பாபு என்று இருந்த நான் பாபு முத்து குமார் ஆகிவிட்டேன் ...எவ்வளோ..... நீள பேர் என்று ஆசிரியர் முதல் நண்பர்கள் வரை ஒரே கிண்டல் ..என் தந்தையிடம் இப்பொழுது கூட கேட்டேன் ..அட போட.....

கரம் சந்த் காந்தி ,நேதாஜி சுபாஷ் சந்திர போஸ் ,லால் கிஷந்த் அத்வானி ,அடல் பிஹாரி வாஜ்பாய் ,லாலு பிரசாத் யாதவ் ..பாரு எல்லாமே மூன்று பேர் உள்ளவர்கள் ..நீயும் ஒரு காலத்தில் இந்த நாட்டை ஆளுவாய் என்று கூறினார் ..சரி ..சரி நாட்டை ஆளுறேனோ இல்லையோ வீட்டை (ஒரிஜினல் வீ டுப்பா ) நன்றாக நிர்வகிக்க கத்துகொண்டேன் ..

பதிவுலகை பொறுத்த வரையில் எல்லோராலும் அன்பாக (?)இம்சை அரசன் பாபு என்று அழைக்க பெறுகிறேன் .எல்லோரும் தன் திருவாய் மலர இம்சை என்றும் அழைப்பார்கள் (எப்படி எல்லாம் பில்ட் அப் கொடுக்க வேண்டியது இருக்கு ).பதிவுலகம் வந்தவுடன் முதலில் என் பொண்ணு பேரில் தான் பதிவு எழுதினேன் ..சீ ..சீ ..பதிவு இல்ல பின் காலத்தில் பொன் ஏட்டில் பதிக்க கூடிய வரலாற்று நிகழ்வுகளை எழுதினேன் .

அப்பொழுது இரண்டு எதிரிகள் (நண்பர்கள் )"அடை மொழி பேர் வைச்ச்சவங்க யாரும் அழிஞ்சு போனதா சரித்திரம் இல்லை "அதனால் நீயும் அட மொழி பேர் வைன்னு சொன்னாங்க ...ஆமாங்க அந்த நண்பர்கள் ஒருத்தன் சிரிப்பு போலீஸ் ரமேஷ் ...!இன்னொர்த்தர் டெர்ரர் பாண்டி .இவங்க எல்லாம் பிரபல பதிவர்கள் நீயும் பிரபல பதிவர் ஆகணுமா வேண்டாமா என்று கேட்டாங்க .நானும் பதிவே எழுதாம பிரபலம் ஆக வழி இருக்கான்னு கேட்டேன் ..உடனே தான் இந்த பேர் எனக்கு ரொம்ப சரியாக இருக்கும் என்று இன்று முதல் நீ இம்சை அரசன் பாபு .என்று அழைக்கபடுவாய் என்று பேர் வைத்தார்கள் .இந்த ரெண்டு பேரும் தான் என் பேருக்கு முன்னாடி "இம்சை அரசன் "வைக்க சொன்னாக நானும் வைசுட்டேன் .இதுல இந்த டெர்ரர் பாண்டி என் வாய்ல அருவாள் ஒன்னு வைச்சு போட்டோ எடுத்து தந்தான் .

இந்த கத்தி குத்து கந்தன் ,வண்டு முருகன் ,நாய் சேகர்,வாரியர் தேவா மாதிரி ........எனக்கும் "இம்சை அரசன் "பாபுன்னு பேர் வந்து...... ..பேரும் புகழோடும் .....சீரும் சிறப்போடும் பதிவுலக நண்பர்கள் எண்ணை கூவி கூவி அழைகின்றனர் .

ஜைன்தவி..ஐ ..லவ் ..யூ ....

2011-03-01T21:29:00.000-08:00

அண்ணன் லவ் மூடுல இருக்கேன் ..தக்காளி... பன்னிகுட்டி இன்னும் பல பேர் ஒரே காதல் கதை போட்டு தள்ளுறாங்க நானும் என் காதல கதைய எழுதுறேன் ..பார்த்து படிச்சு செத்து தொலைங்க ...

என் ஜைன்தவி ...(சைந்தவி இல்ல) என் பட்டு குட்டி ,என் செல்ல குட்டி காலைல எழுந்தவுடன் டீ குடிக்கும் பொழுது..! நான் குடிச்சிட்டு கொஞ்சம் டீ உனக்கு தருவேனே..! அந்த எச்ச டீயை நீ குடிச்சுட்டு நீ என் மடி மீது வந்து படுத்து ..என் கன்னத்தில் வந்து ..சீ ..சீ எனக்கு வெக்கம் வெக்கமாக வருது அதை சொல்ல ..

சாபுவுக்கு லீவ்ன்னு சொல்லிட்டு ஜைன்தவியையும் கூட்டிட்டு போயீட்ட ..நான் எப்போதுமே ரெண்டு இட்லி சாப்பிட்டுகிட்டு ஒரு இட்லி தந்தாலும் அதை நல்ல வயிறு முட்ட சாப்பிட்டுகிட்டு ,நான் வேலைக்கு போகும் போது வெளியே வந்து வழி அனுப்பி வைப்பியே...இந்த 15 நாளும் எனக்கு ஒரே போர் ..எப்படி எனக்கு இனி நேரம் போகும் ..

வாழ்க்கை அழகு பாஸ்...அதுவும் ஜைந்தவிங்க கெடைச்ச எல்லா அப்பாகளுக்கும் வாழ்க்கை சொர்க்கம்.(இந்த வரி எங்கயோ படிச்ச மாதிரி இருக்கே ..டேய் இம்சை வெளிய வராத அப்படியே உள்ள இரு ..)

யார்கிட்டேயும் பேச பிடிக்கல ... ஜைன்தவி பார்க்காம கண்ணு ரெண்டும் பூத்து போச்சு ..என் கண்ணுகுள்ளே வந்து நிக்கிறியே ..உன் கூட செல்ல சண்டை போடணும் போல இருக்கு ..இப்படி தான் என் மாமனார் எனக்கு தீபவாளிக்கு வாங்கி தந்த பட்டாபட்டிய .நான் கழற்றி போட்டு இருந்த போது அதை நீ எடுத்து போத்திகிட்டு படுத்தியே..! குளிருக்கு இதமா இருக்குன்னு ..நான் கோவமா அதை புடுங்கும் போது ..நீ அதை இழுக்க ..நான் இழுக்க... கடைசில .பட்டாபட்டி பாதி உன்கிட்ட மீதி என்கிட்டே இருந்துச்சு ..கிளிச்சுட்டீயேன்னு நான் பொய் கோவ பட்ட போதும் என் மடில வந்து படுத்தியே... .இந்த பதினைந்து நாளும் என் மடில படுக்க ஆள் இல்லாமல் தலையணை தூக்கி வைச்சிக்கிட்டு இருக்கேனே இந்த கொடுமை ரொம்ப பயங்கரமானது .

இப்படிதாங்க நானும் ஜைந்தவியும் எப்பொழுதும் மாலை நடை பயிற்சி போவோம் .அவளின் பிடி என் கைகுள்ளேயே இருக்கும் அது அன்பு பிடி..! .ஒரு நாள் இப்படி சேர்ந்து வாக்கிங் போகும் போது நாலு பேர் சேர்ந்து முறைச்சி பார்த்தாங்க .எனக்கு கோபம கொப்பளித்து கொண்டு வந்தது நான் அவர்களை அடிக்க போகும் முன் ..என் செல்லம் ,என் புச்சு குட்டி அவர்களை முறைத்து பார்த்து சத்தம் போட்டாளே பார்க்கணும் ..அது என் செவிக்குள்ளேயே நிக்குது ..

ஒரு நிமிஷம் இருங்க சாபுகிட்டே என் செல்ல குட்டி ,அம்முக்குட்டி ஜைன்தவி சாப்பிட்டாளா என்னன்னு கேட்டு கிட்டு வரேன் ஏன்னா நான் சாப்பிட்ட மிச்சத்தை சாப்பிட்டே பழக்க பட்டவள் ..

ஜைன்தவி கிடச்ச அப்பாக்களுக்கு... நீங்களும் வீட்டுல இருக்கும் ஜைந்தவிக்கு ஒரு துண்டு இட்லி ,ரொட்டி, எச்ச டீ இப்படி டெய்லி கொடுத்து பாருங்க ..அதோட சுகமே தனி மக்கா ..

ஜைன்தவி கிடைக்காத பன்னாட பரதேசிகளுக்கு ..இழுத்து மூடிக்கிட்டு பொத்திகிட்டு படுத்து தூங்குங்க... ஒரு மாலதி ,ஒரு சந்தியா... இப்படி கெட்ட கெட்ட கனவு வரும் ...

இருங்க ..இருங்க ..டெர்ரர் எதோ கேக்குறான் ..

ஓ ...ஜைன்தவி யாருன்னு கேக்குறியா பாஸ் இதோ ....

(பட்டாபட்டி ப்ளாக்ல சுட்டது ...)

ஜைன்தவி என் வீட்டு நாய்க்குட்டி ..நான் குடிச்ச எச்சி டீ குடிக்கலைனா அதுக்கு தூக்கம் வராது ,என் பட்டாபட்டி எடுத்து மூடிக்கிட்டு தான் அது படுத்து தூங்கும் ..மாதம் ஒரு பட்டாபட்டி என் மாமனார் அதுக்காகவே வாங்கி தருகிறார் ..வாக்கிங் போகும் போது நாலு தெருபொருக்கி நாய்கள் அத பின் தொடரும் போது அது விடும் சவுண்ட் ...ஹையோ ..ஹியூ ..அத சொல்ல முடியாது ..என் காதில் தேன் வந்து பாயுது .

டிஸ்க்கி :இது என் பதிவுலக ரோல் மாடல் பட்டாபட்டிக்கு சமர்பிக்குறேன் ...தலைவா நீ கோடு தான் போட்ட ..நான் ரோடே போட்டுட்டேன் . ஹி ..ஹி ..

கழுகின் இன்றைய பதிவு

தேர்தல்!!! குறை யார் மீது?

2011-02-08T01:52:00.000-08:00

கழுகிர்க்ககாக இயந்திர வாக்கு பதிவு பற்றி எழுதி இருந்தேன் .அதில் நான் உட்பட மற்ற பின்னூட்ட மிட்ட நண்பர்கள் எல்லோரும் இந்தியாவை பொறுத்த வரை தற்பொழுது மின்னணு வாக்கு பதிவு தான் தற்போதைக்கு ஒரே வழி என்று கூறினார்கள் இருந்தாலும் எனக்கு இதில் நடக்கும் தில்லுமுல்லு களை குறைக்க ஏதாவது வழி இருக்கா என்று சிந்திதித்த வண்ணம் இருந்தேன் .

ஏனென்றால் தமிழ் நாட்டை பொறுத்தவரையில் இந்த மாதிரி வேலைகள் எல்லாம் செய்வது அதிகாரிகளும் அரசு ஊழியர்களும் தான் என்று பரவலான பேச்சு இருக்கிறது .எனக்கும் இந்த சந்தேகம் உண்டு .பூத்துல இருக்கும் அரசு ஊழியர்களின் சம்மதத்துடன் தான் இந்த மாதிரி நடக்கிறது .நானும் கண்கூடாக பார்த்து இருக்கிறன் .

தமிழ்நாட்டை பொறுத்த வரையில் ஒரு கட்சி அரசு ஊழியர்களுக்கு சம்பளம் வாரி இறைத்து உள்ளது .மற்ற மக்களின் வாயிலும் ,வயிற்றிலும் அடித்து விட்டு அரசு ஊழியர்களுக்கு மட்டும் இப்படி செய்திருக்கிறார்கள் .இன்றைய விலை வாசி உயர்விலும் .அரசு ஊழியர்கள் மட்டும் தாக்கு பிடிக்கிறார்கள் .விலை வாசி உயர்ந்து விட்டது என்று சொன்னால் நம் நிதி அமைச்சர் .சம்பளம் எல்லாம் கூட்டி கொடுத்து இருக்கிறோம் அதனால் மக்களுக்கு வாங்கும் சக்தி இருக்கிறது என்கிறார்

ஆம் அவர் கண்ணுக்கு 12லட்சம் அரசு ஊழியர்கள் மனுசனாக தெரிகிறார்கள் .மற்றவர்கள் எல்லோரும் மாடாக தான் நினைக்கிறார்கள் .எல்லாம் ஒட்டு வங்கி அரசியலுக்கு தான் .

இப்பொழுது நடந்த இடை தேர்தல்கள் எல்லாம் பார்த்தால் தேர்தல் ஆணையம் எவ்வளவு கெடுபிடியாக நடந்தாலும் .கடைசி ஒரு மணி நேரம் போலிங் மிகவும் அதிகமாக இருக்கு .

கேட்டால் அது ஒரு பிளான் என்று கூறுகிறார்கள் அதற்க்கு திருமங்கலம் பார்முலா என்று ஆளும் அரசே தம்பட்டம் அடிக்கிறது .(என்ன கொடுமை சார் இது ..........!)

இது எப்படி சாத்தியம் என்றே புரியவில்லை ஊடகங்களும் இதை பற்றி முதல் எழுதி விட்டு பின்பு அமைதியாக இருந்து விடுகிறார்கள் ......ஏன் இப்படி ?

இதில் கள்ள ஒட்டு போடுவதர்க்கு உடந்தை இந்த ஆசிரியர்களும் ,அரசு ஊழியர்களும் தான் .கேட்டால் இந்த ஆட்சி வந்தா தான் நமக்கு நல்லது என்கிறார்கள் ...?

இதில் கல்வி போதிக்கும் ஆசிரியர்களும் இதிலடங்கும் .எல்லா அரசு ஊழியர்களும் ,ஆசிரியர்களும் இப்படி தான் என்று சொல்ல வில்லை ஆனால் நூற்றில் 90% இப்படி தான் இருக்கிறார்கள் .சில பேர் அங்கே போனால் நானும் குற்றவாளி ஆகிவிடுவேன் என்று எலெக்ஷன் பணி வேண்டாம் என்று கூறிவிடுகிரார்கள்.

கல்வி போதிக்கும் ஆசிரியர்களே இப்படி செய்தால் குழந்தைகளை எப்படி நல வழி படுத்துவார்கள் ..

இது தான் ஜனநாயகமா?........அரசு ஊழிர்கள் தான் ஒரு முதலமைச்சரை தேர்ந்து எடுக்க வேண்டுமென்றால் இவ்வளவு பொருள் செலவு செய்து ஏன் தேர்தல் நடத்த வேண்டும் .பேசாமல் அவர்களை மட்டும் ஒட்டு போட சொன்னாள் போதுமே ????

ரெண்டு நாள் முன்னாடி தான் தேர்தல் ஆணையம் இன்னொரு உருப்படியான விஷயம் ஒன்றை சொன்னது .இனி பூத் ஸ்லிப் கட்சிகாரர்கள் கொடுக்க வேண்டாம் என்றும் அந்த பணியை தேர்தல் ஆணையமே செய்யும் என்று கூறி இருக்கிறது

இதே மாதிரி இந்த கடைசி நேர போலிங்க்கும் எதாவது மாற்று வழி உண்ட என்று தேர்தல் ஆணையம் சிந்தித்து நல்லதொரு முடிவை அறிவிக்கும் என்று ஜனநாயகம் மீது நம்பிக்கை வைத்து இந்த பதிவை முடிக்கிறேன் .

மேம்பாலம்

2011-02-02T21:59:00.000-08:00

காலைல அவசரம் அவசரமாக என் மகளை பள்ளிக்கு கூட்டி செல்லும் அவசரத்தில் பைக்ல அவளை ஏற்றினேன் .முன்னாடி இருந்து கொண்டு

என் மகள் :அப்பா இந்த பாலம் ரொம்ப பெருசு இல்லையாப்பா என்றாள்

நான் :ஆமாம் கோவில்பட்டில ரெண்டு பாலம் இருக்குன்னு சொன்னேன்

என் மகள் :ஆமாம் ரெண்டு பெரிய பாலம் நிறைய குட்டி பாலம் இருக்கு என்றாள்

நான் :இல்லையே குட்டி பாலமே இங்கே கிடையாது என்று சொன்னேன் .....

என் மனைவி :வண்டில இருந்துகிட்டு பேசாம அப்பாவும் ,மகளும் வாங்க என்று சத்தம் போட்டாள்(எலேய் உன் மண்டைல கொட்டினார்கள்ன்னு சொல்லு ன்னு கமெண்ட்ஸ் போடா கூடாது)

நானும் அமைதியா வண்டிய ஓட்டி என்னோட ஆபீஸ் வந்துட்டோம் .

என் மகள் :அப்பா பாலம்ன என்ன..........?(தொடர்ந்து விடாம கேள்வி கணைகள் என் மகள் ஆயிற்றே )

நான் :கீழ ட்ரைன்,ஆறு இப்படி போகும் நாம மேல போவோம் அப்படின்னு சொன்னேன்

என் மகள் :ரோடுல மேலே ஏறி கீழ இறங்கனும் அப்படி தானே என்றாள் .(என்னை மாதிரி என் புள்ள ரொம்ப அறிவாளி டக்குன்னு பாயிண்டுக்கு வந்துட்டாள் )

நான் :ஆமாம் என்றேன் .......

என் மகள் :நாம ஸ்கூல்க்கு போகும் போது மூணு குட்டி பாலம் வரும் நான் கான்பிக்குறேன் பாருங்க என்றாள் ....

நான் :இல்லை மக்கா குட்டி பாலம் கிடையாது .என்றேன்

என் மனைவி :அவள் வேற எதையோ சொல்லுறா உங்களுக்கு தான் விளங்க மாட்டுது ன்னு சொன்னால்

நான் அதை பற்றி மறந்துவிட்டேன் அவளை பள்ளிக்கு அழைத்து சென்றேன் ...அவள் போகும் வழியில்

என் மகள் :அப்பா இந்த இருக்கு பாரு மூணு பாலம் என்றாள் .

நான் :அவள் கண்பித்ததை பார்த்து தலை சுற்றியது எனக்கு இது பாலம் இல்லை மக்கான்னு சொன்னேன்

என் மகள் :பைக் ஏறி தானே இறங்குது ....அது பெரிய பாலம் .....இது குட்டி பாலம் ...நான் சொல்வது தான் சரி என்கிறாள்(என் தலைல லாரி யே ஏறி இறங்கினது மாதிரி ஒரு பீலிங் )

அப்படி அவள் என்னதாண்ட காண்பித்தாள் என்று எல்லோரும் கேக்குறீங்களா .........?

SPEED BREAKER மக்கா ....காலைலேயே .........ஆரம்பிச்சுட்டா இனி ஸ்கூல் விட்டு வந்து கேப்பா கரெக்ட் விடை சொல்லணும்

தம்பி எஸ் .கே வுக்கு பிறந்த நாள் வாழ்த்துகள்

நானும் கவிதையும் ...!

2011-01-24T00:08:00.000-08:00

எல்லோரும் பதிவுலகுல கவிதை எழுதுறாங்க ,நீயும் கவிதை எழுத்து மக்கா இல்லையென்றால் நீ பதிவு எழுதுறதே வேஸ்ட் ன்னு டெர்ரர் அண்ட் ரமேஷ் சொல்லிட்டாங்க..........அதனால் நானும் சில கவிதைகள் TYPE செய்து இருக்கேன் .கண்டிப்பா வாந்தி வரும் ....

அவள் வைத்து கொள்ளும் ரோஜா
அவளை விட அழகு குறைவு தான்
அதனால் தான்
அவள் கூந்தலின் பின்னால்
ஒளிந்து கொள்கிறது

பூ என்பது ஒரு எழுத்து
அதை சூடும் "பெண் " இரண்டெழுத்து
அந்த பெண்ணால் வரும் "காதல்" மூன்று எழுத்து
அந்த காதலால் வரும்" குழந்தை "நான்கு எழுத்து
அந்த குழந்தையால் வரும் "திருமணம்" ஐந்து எழுத்து
இதுவே இன்றைய இளைஞர்களின் தலை எழுத்து

நண்பா ரமேஷ் நீ ஒரு K E P M A R I
K - KILLAADI
E - EN UYIR NANBAN
P - PORUMAYIN SIKARAM
M -MANMATHAN
A - ANBULLAVAN
R -RAMBO
I -INIYAVAN
KEPMARI க்கு சிரிப்பா பாரு..........

விடிய விடிய நிலவை காதலித்து விட்டு ..............
விடிந்தபின் சூரியனை மணக்கும் மணப்பெண் தான்
"பனித்துளி "

12 வருடத்துக்கு ஒரு முறை பூக்கும்
குறிஞ்சி மலர் கூட உன் புனைகை பார்த்தால்
கொய்யாலா ........பூக்கவே பூக்காது........

இது சௌந்தர்க்கு
அவள் பார்வைக்கு அர்த்தம் தெரிந்த எனக்கு ,
பேசிய வார்த்தைக்கு அர்த்தம் தெரிய வில்லை .........
காரணம் .................
மூச்சு விடாம இங்கிலீஷ் பேசுரா மக்கா ............

மரணம் என்பது ஒரு நொடியில் உயிர் போகும்
ஆனால் பிரிவு என்பது ஒவ்வொரு நொடியும்
உயிர் போகும்
அதனால் நட்பை இழக்காதீர்கள்

என்றோ ஒருநாள் அழுததை நினைத்தால் சிரிப்பு வரும் (காதல்)
என்றோ சிரித்ததை நினைத்தால் இன்று அழுகை வரும் (நட்பு )

சிறுத்தை வசனம் :
ஏதோ ஒருநாள் நம்ம ரிசல்ட் வந்தே தீரும் ..........
நான் ரிசல்ட் பார்க்குற அந்த நாள் ................
என் நெஞ்சுல ஒரு சொட்டு பயம் இருக்க கூடாது .............
நான் பெயில் ன்னு தெரியும் போது என் உதட்டுல சிரிப்பு இருக்கணும் .........
என் கை மீசையை முறிக்கிட்டு இருக்கணும் .........

இது நண்பன் டெர்ரர்க்கு
நீ நடக்கும் போது
ஒரு
கம்பீரம் தெரியுது
நீ தூங்கும் போது
ஒரு
அமைதி தெரியுது
நீ சாப்பிடும் போது
ஒரு
அழகு தெரியுது
நீ ஓடும் போது
ஒரு வேகம் தெரியுது ...........
இதெல்லாம் ஒகே ஏன் "DISCOVERY CHANNEL " ல மட்டும் தெரியுது

டிஸ்க்கி :இதில் இருக்கும் கவிதை நீ எழுதினதான்னு யாரும் கேக்க கூடாது...கேட்ட கம்பெனி பொறுப்பு ஏற்காது ...................

லவ் லெட்டர்

2011-01-20T02:03:00.000-08:00

இந்த செல்வா தம்பி நேத்து ஒரு பதிவு போட்டான் .காதல் கடிதம் எழுத தெரியாம ரொம்ப கஷ்ட பட்டேன்னு சொன்னான் .அதான் அவனுக்கு எப்படி காதல் கடிதம் எழுதணும்ன்னு எனக்கு தெரிஞ்ச மாதிரி சொல்லி இருக்கேன் .செல்வா வுக்கு இந்த பதிவை சம்ர்பிக்குறேன் (காதல் பண்ணினா சமாதி தான் ஆகணும் மக்கா .......)

செல்வா தம்பி தொடர் பதிவுக்கு என்னை கூப்பிடல இருந்தாலும் நமக்கு தான் மானம் ,ரோசம் எதுவுமே கிடையாதே அதனால நானே இந்த பதிவை போடுகிறேன் .

காதல் கவிதை எழுதுறவங்க ,காதல் பத்தி கட்டுரை எழுதுறவங்க எல்லோரும் வந்து காறி துப்பிட்டு போகலாம் .குறிப்பாக தேவா அண்ணன் ,சௌந்தர் ,கௌசல்யா ...

மேலும் என் நண்பன் ரமேஷ் ,டெர்ரர் போன்ற கல்யாணம் ஆகாத நண்பர்கள் எல்லோருக்கும் இதை பார்த்து காதல் கடிதம் எழுத கற்று கொள்ளவும் .....

அன்புள்ள முன்னாள் காதலிக்கு

பொருள்: தங்களிடம் கொண்டிருந்த காதல் முறிந்ததின் பேரில் அனைத்து பரிமாற்றங்களை தீர்க்க வேண்டி எழுதப்படும் விண்ணப்பக் கடிதம்

தங்களிடம் இருக்கின்ற இந்த புகைப்படத்தை உடனடியாக திருப்பி அனுப்புமாறு கோரிக்கைசெய்கிறேன். இந்த புகைப்படத்தில் மட்டும் தான் நான் மிகவும் அழகாகவும் கவர்ச்சியாகவும் தெரிவேன் என்பதே இதற்கான முக்கிய காரணமாகும். மேலும் இந்த புகைப்படம் எனக்கு முதன் முதல் காதல் ஏற்பட்ட போது எடுக்கப்பட்டது.

மேலும் 11/2 வருடம் நான்தங்களுடன் காதலில் ஈடுபட்டிருந்த போது தங்களை கவர்வதற்காக ஏராளமான பணம் செலவழித்திருக்கிறேன். நான்செலவழித்த தொகையின் பட்டியலை இத்துடன் இணைத்துள்ளேன். அதைகூடிய விரைவில் திருப்பி அளிக்குமாறு பணிவன்புடன் கேட்டுக்கொள்கிறேன்.

செலவழிந்த தொகையின் விவரம் பின்வருமாறு:

வ. எண்	விவரம்	தொகை (ரூபாய்களில்)
1	மதிய/இரவு உணவு	895
2	கூல்ட்ரிங்ஸ்	2938
3	ஸ்நாக்ஸ்	5645
4	ஜூஸ்கள்	3845
5	சினிமா	1235
6	இண்டர்நெட் சாட்டிங்	1399
7	மொபைல் கட்டணம்	2546
8	பெட்ரோல்	4355
9	பரிசுப் பொருட்கள்	7850
	மொத்தம்	30, 708

மொத்தத் தொகை ரூ.30,708(எழுத்தில்: முப்பது ஆயிரத்து எழுநூற்று எண்பது ரூபாய்).தயவுசெய்து மேற்கண்ட தொகை திருப்பி அளிக்க வேண்டுகிறேன். இதனால் நான் என் புது காதலிக்கு இந்த பணத்தை செலவு செய்ய ஏதுவாய்இருக்கும்.மேலும் உங்களிடம் என் பரிசுகள் ஏதாவது இருந்தால் அதை பாதி விலைக்குஎடுத்துக் கொள்ள நான் தயாராக இருக்கிறேன். அந்த பரிசுகளுக்கானவிலையை கணக்கிட்டு அதை மேற்கண்ட தொகையிலிருந்து கழித்துக்கொள்ளலாம்.

இத்துடன் நீங்கள் எனக்கு எழுதிய காதல் கடிதங்களை இணைத்துள்ளேன் (எடை 4 கிகி) எனவே நீங்கள் உங்கள் பாய் ஃபிரண்டுக்கு மீண்டும் எழுத வேண்டிய அவசியமில்லை. மேலும் உங்கள் ஃபோட்டோவையும் இணைத்துள்ளேன்.எனவே உங்களின் புதிய பாய்ஃபிரண்டிடம் அதை நீங்கள்அளிக்க உதவியாய் இருக்கும்.

தங்களிடமிருந்து தொகையை எதிர்நோக்கும்

தங்கள் உண்மையுள்ள

முன்னாள் காதலன்

டிஸ்க்கி 1 : இந்த பதிவு எழுத உதவிய எஸ் கே அவர்களுக்கு நன்றி .

டிஸ்க்கி 2 :யாருக்கும் எதிர் பதிவு இல்லை ......இது ஆங்கிலத்தில் எனக்கு வந்த மின்னஞ்சல் ..

டிஸ்க்கி 3 :அழகான போட்டோ ஒன்னு வேணும் ரமேஷ்ன்னு கேட்டவுடன் தயங்காம அவனோட போட்டோவ தந்து உதவிய ரமேஷுக்கு நன்றி

பல்போ......!பல்பு ....!

2011-01-13T20:15:00.000-08:00

"சும்மா கிடந்த சங்கை ஊதி கெடுத்தானாம் ஆண்டி" என்று ஒரு பழமொழி உண்டு .அது யாருக்கு பொருந்துமோ இல்லையோ எனக்கு பொருந்தும் .

பதிவுலகத்துல நிறய பதிவு இப்போ வரத்து இல்லை .அதனால நான் என் பொண்ணுக்கு பாடம் சொல்லி கொடுப்போம் என்று என் பொண்ணுகிட்ட போனேன் .என்ன படிக்கிறா என்று பார்த்தேன் .

SOCIAL சயின்ஸ் என் பொண்ணு படிச்சிட்டு இருந்தா .அதுல

HINDU WORSHIP IN TEMPLE

CHRISTIAN WORSHIP IN CHURCH
MUSLIM WORSHIP IN MOSQUE
SIKHS WORSHIP IN GURUDVAR

இப்படி இருந்துச்சு நான் வாசித்து சொல்லி கொடுத்து கொண்டு இருந்தேன் .என் பொண்ணு என்னை பார்த்து

என் மகள்: அப்பா WHORSHIP னா என்னப்பா என்றால் ?.

நான்: உன்னை காலைல ஸ்கூல் போகும் முன்னாடி என்ன சொல்வேன் என்று கேட்டேன்

என் மகள்: PRAY பண்ண சொல்லுவீங்கன்னு சொன்னாள்..!

நான்:அதை தமிழ் சொல்லுன்னு சொன்னேன்

என் மகள்: சாமி கும்பிட சொல்லுவீங்கன்னு சொன்னாள்..!

நான்: உடனே அது தான் நாம ஹிந்து அதுனால கோவில்ல போய் தானே சாமி கும்பிடுவோம் அதான் worship அப்படின்னு சொன்னேன்

என் மகள்: அப்போ prayer சொல்ல கூடாதான்னு கேட்டா ?

பல்பு !!!!!!

நான்:இல்லை மக்கா கோவில்ங்கறது எல்லோரும் போய் சாமி கும்பிடுறோம் அதனால WORSHIP.இங்க வீட்டுல கும்பிட்ட PRAYER இப்படி சொன்னேன் (சமாளித்தேன் )

என் மகள்:அப்போ ஸ்கூல் ல prayer song சொல்லுறாங்களே அது எப்படின்னு கேட்டா?

பல்பு !!!!!

முடியலை ....போ மக்கா இப்படி என்னையே குழப்பிட்டேயேன்னு சொல்லிட்டு எடத்தை காலி பண்ணினேன்
ஐயோ.....ஐயோ ........(இப்படி தான் நானே வாயை கொடுத்து வாய்ல புண்ணோட போய் சேருகிறேன் ......)
ஆண்டாவா ஏன் என்னை இப்படி சோதிக்கிறன்னு PRAY பண்ணவா?WORSHIP பண்ணவா ? யாராவது பதில் சொல்லுங்க ............!

எலேய் யாரும் ஓடி போக கூடாது ..........அங்க யாரோ ஓடி போறாங்க .........எலேய் நின்னு பதில் சொல்லிட்டு போ .............

டிஸ்க்கி 1 :சரி WORSHIP ,PRAYER இந்த ரெண்டுக்கும் வித்தியாசம் இருக்கு .ஆனால் அதை எப்படி சொல்லணும்ன்னு தெரியலை .உடனே பதிவுலகின் ஆன்மீக சக்கரவர்த்தி ,ஹிப்ப்று மொழி புலவர் தேவா அண்ணன் கிட்ட கேட்டேன் .ரெண்டுக்கும் உள்ள வித்தியாசத்தை சொன்னார் .ஆனால் எனக்கு எப்படி அவளுக்கு விளக்கி சொல்லன்னு இன்னும் தெரியலை .........!
டிஸ்க்கி 2 : எல்லோருக்கும் இனிய பொங்கல் வாழ்த்துக்கள் ......
( பொங்கல் பொங்குவது போல .....நிறைய பல்பு வாங்க வாழ்த்துக்கள்ன்னு சொல்ல கூடாது ஓகே .......)

குட்டி பதிவு ....

2011-01-11T02:07:00.000-08:00

குழந்தைகள் முன்னாடி எதை செய்யணும் ?எதை செய்யகூடாது? எதை பேசணும்? எதை பேச கூடாது? என்று நேற்று தெரிந்து கொண்டேன்..! இவ்வளவு நாளும் பல்பு தான் வாங்கிட்டு இருந்தேன் ...நேத்துல இருந்து என் பொண்ணு என்னை ஊர்ல உள்ளவன் கிட்ட எல்லாம் அடி வாங்க வைச்சிருவா போல இருக்கே..!பல்பு வாங்குரது சுகம் தான்..! ஆனா இது கொஞ்சம் பயங்கரமான விஷயம் .

நான் எப்போதும் வண்டி மெதுவாக தான் ஓட்டுவேன் (மாட்டுவண்டி இல்லை மக்கா ..அது ரமேஷ்தான் ஓட்டுவான் ).நான் ஓட்றது இருசக்கர வாகனம் (டிவிஎஸ் விக்டர் ) .என் எதிரில் யாராவது செல்போன் பேசிகிட்டு வண்டி ஓட்டினா ."சரியான லூசு பய" வண்டிய நிப்பாட்டி பேச வேண்டியது தானே அப்படின்னு அவனை திட்டுவேன் .அவன் பார்க்கும் போது திட்ட மாட்டேன் (யாரு அடி வாங்குறது பிறகு...! அதனால் கொஞ்சம் தள்ளி போன பின் திட்டுவேன் )

நேற்று வழக்கம் போல் காலையில் என் பொண்ணை பள்ளிக்கு கூட்டி சென்றேன் .எப்பொழுதும் என் முன் பெட்ரோல் டாங்கல தான் இருப்பாள். நான் வண்டியை மெதுவாக ஓட்டி சென்று கொண்டிருக்கும் பொழுது என் எதிரில் ஒருவன் இரு சக்கர வாகனத்தில் செல் போனில் பேசிய படிய வந்தான் .என் மகள் சட்டென்று "சரியான லூசு பய" என்று சத்தாமாக கையை நீட்டிய வாரே சொல்லி விட்டாள் .அவன் அப்படியே முறைத்து பார்கிறான் .நான் கண்டு கொள்ளாதது மாதிரி வந்து விட்டேன் .கொஞ்சம் தூரம் தள்ளி வந்து மக்கா ஏன் அப்படி சொன்னே என்று கேட்டேன் ...............அதற்கு அப்பா நீங்களும் இப்படி தானே செல்போன்ல பேசிட்டு போறவங்களை சொல்லுவீர்கள் என்றாள் .

அதான் சொல்லுறேன் மக்கா.இந்த அப்பாமார்கள் படும் பாடு இருக்கே ..முடியலை ......அருண் (சீனியர்) அதான் கமெண்ட்ஸ்லே போட்டேன் கூடிய விரைவில் அடி வாங்கும் நிலமைக்கு வந்திருவன்னு ...

என் மனைவியோ .என்னை சத்தம் போடுகிறாள். இது தான் குழந்தைகள் கிட்ட நல்ல வார்த்தைகள் உபயோக படுத்தனும்னு ..............கூடிய சீக்கிரம் அடி வாங்கிருவேன் மக்காஸ் (பாரு பய புள்ளைகளுக்கு என்ன சிரிப்புன்னு )

திரும்பி பார்க்கிறேன்

2011-01-06T20:30:00.000-08:00

திரும்பி பார்க்கிறேன்..! இந்த தலைப்பே இதை படிக்கும் பதிவர்களுக்கு அத்தனை பேருக்கும் புடிக்கும் என்று நினைக்கிறன் .என்னை இந்த பதிவை தொடர்வதற்கு கௌசல்யா சகோதரி அழைத்திருந்தார்கள் அவர்களுக்கு என் நன்றியை தெரிவித்து கொள்கிறேன் .

எல்லோரும் தன் வாழ்கையில் நடந்தவற்றை திரும்பி பார்க்காமல் இருக்க முடியாது .திரும்பி பார்க்காதவர்கள் மனிதர்களாகவும் இருக்க முடியாது .

ஒவ்வொரு புது வருடமும் அதுவும் ஒன்றாம் தேதி என்றால் அனைவருக்கும் குஷி தான் எனக்கும் இருந்தது ஆனால் அது 2007 ஜன 1 அன்று தவிடு பொடியாகியது.ஆம் அன்று எங்கள் ஊர் (சுசிந்திரம் )கோவில் தேர் திருவிழா அதற்காக முதல் நாளே அங்கு சென்றுவிட்டேன் காலையில் எழுந்து குளித்து விட்டு எல்லோரும் சாப்பிட இருந்தோம் என் அருமை மகளும் என் கூட இருந்தாள் .என் அம்மா, மனைவி இருவரும் காலை உணவு ரெடி பண்ணிட்டு இருந்தாங்க .புட்டு எங்கள் ஊரில் ரொம்ப பேமஸ் .என் பொண்ணு என்னிடம் இருந்து எந்திருச்சி ஓடி போய் அப்பளம் எடுக்க போறேன்னு சொல்லிட்டு ஓடி போய் புட்டு அவியும் அந்த குழாயை தட்டி விட்டுட்டாள்.அதில் இருந்த கொதித்த நீர் அப்படியே அவள் இடது கன்னம் முழுவதும் பட்டு .துடித்து விட்டாள் அன்று உள்ளூர் விடுமுறை வேறு. ஓடினேன் தூக்கி கொண்டு ஆஸ்பத்திரி நோக்கி.. ஒரு புண்ணியவான் டாக்டர் பார்த்தார் .பயப்பட ஒன்றும் வேண்டாம் புண்ணில் கை வைக்க மட்டும் கூடாது என்று கூறிவிட்டார் .அந்த ஒரு வார கொடுமை.. ஐயோ இப்பொழுது அதை நினைத்தாலும் கண்ணீர் வருகிறது .அப்பொழுது ஏன் மகளுக்கு இரண்டு வயது ...

அன்றோடு சரி எத்தனை புது வருடம் வந்தாலும் என் நெஞ்சை விட்டு மறையாத அந்த தருணங்களே நினைவு வருகிறது .என்னடா ரொம்ப சோகமா எழுதிட்டேனோ??

பதிவுலகில் நான் இருப்பதிற்கு காரணமானவர்களை மட்டும் இங்கே திரும்பி பார்கிறேன் .

சரி 2010 நான் வலை பூ எழுத ஆரம்பித்தேன் .தமிழ் சும்மா எழுதினாலே குத்து உயிரும் கொலை உயிராமாக இருக்கும். பதிவு எழுதுவது அவ்வளவு எளிதான விஷயம் இல்லை என்று தெரியும் .நண்பன் ரமேஷ்(சிரிப்பு போலீஸ் ) தான் நீ எழுதுப்பா என் நண்பர்களிடம் உன்னை அறிமுக படுத்துகிறேன் என்றான். சரி காசா பணமா எழுதிருவோம் என்று ஆரம்பித்தேன் .அந்த இம்சையை இபொழுது நீங்கள் அனுபவிகீரீர்கள் (அதனால் ரமேஷ் ஐ அடியுங்கள் ).

2010 ஆகஸ்ட்ல ப்ளாக் எழுத ஆரம்பித்தேன் .நிறைய நண்பர்கள் கிடைத்தார்கள் அதில் நண்பன் டெர்ரர் மறக்க முடியாதவர் எனனை ஊக்க படுத்தியவர் .நிறைய லிங்க் தந்து போய் படிங்க அப்படின்னு தருவார் .எனக்கு பதிவுலகை பத்தி புரிய வைத்தவர் இன்று வரை அந்த நட்பு சீரான பாதையில் செல்கிறது .எனனை விட என் மகளுக்கு தான் அதிகமாக பிடிக்கிறது சாட்ல டெர்ரர் பேர் பார்த்தாலே அப்பா நான் பேசுகிறேன் என்று ஓடி வருவாள் .எந்த காரணத்தினால் என்று தெரியவில்லை .(ஆனால் அந்த லூசு டெர்ரர் பய எனனை பதிவு எழுத சொல்லி விட்டு அவன் பதிவே எழுதாம இருக்கிறான் ).

அடுத்தது தேவா அண்ணா என்னை தம்பி என்று பாசத்துடன் கூப்பிடும் ஒரே பதிவர் இவரோட தமிழ் எழுத்துக்கள் மீது எனக்கு ஒரு பொறாமை உண்டு .எப்படி கோர்வையாக எழுதுகிறார் என்று ?எனக்கு இன்று வரைக்கும் வரவே மாட்டுது .வலை பூவில் தன்னிடம் இருக்கும் நண்பர்களை வைத்து கருத்துசார்ந்த பதிவுகளை,சமூகத்திற்கு தேவையான பதிவுகள் எழுத வேண்டும் என்பது இவரின் ஆசை (இந்த விஷயம் அவர் என்னிடம் சொல்ல வில்லை ...ஒரு யூகம் தான் ).ஆசை நிறை வேறும் காலமும் அதற்கு கனிய வேண்டும் என்று எண்ணுகிறேன் .

அடுத்து சௌந்தர் இவரை பற்றி என்ன சொல்ல ஒரு சிறுவன் எனக்கு லிங்க் தந்து புது வலை பதிவர்களை அறிமுகமும் செய்வான் .அப்படி போய் அடி வாங்கிட்டு வந்து நின்ன காலமும் உண்டு (ஹி.ஹி .மக்க கோவிச்சுக்காத ).அப்புறம் என் நண்பன் டெர்ரர் வந்து காப்பாத்தினான்.ஆனால் என் மீது அன்பு கொண்டவன் .இது தப்பு வேண்டாம் என்று சொன்னால் சரி என்று என் சொல்லுக்கு மதிப்பு கொடுக்கும் நண்பன் .

இது போக நிறைய நண்பர்கள் இருக்கிறார்கள் .ஹி ...ஹி.அது தான் ஊருக்கே தெரியுமே .இவர்கள் அனைவரும் கிடைத்ததே சந்தோஷமான விஷயம் தானே எனக்கு .ஒவ்வொருவரும் தனி தன்மை உடையவர்கள் பன்னிகுட்டி ,அருண் பிரசாத் ,செல்வா,எஸ் கே ,வெறும்பய (மக்காஸ் எல்லோர் பெயரும் சொல்லலைன்னு கோவிச்சுகிட்டு சண்டைக்கு வரணும் சரியா )இப்படி சொல்லி கொண்டே போகலாம் ...

பெண் பதிவர்கள் என்றால் கொஞ்சம் பயம் தான் யார் எந்த ரூபத்தில் இருக்கிறார்கள் என்று தெரியாது அதனால் போகவில்லை .கௌசல்யாவை தவிர .இவரோட வலை பூ முதலில் தெரிந்ததே ஒரு சண்டை போடுவதற்காக தான் அங்கு சென்றேன் . சண்டை இட்டு தான் கமெண்ட்ஸ் போட்டேன் .அப்புறம் அப்படியே சகோ என்று கூப்பிடும் அளவுக்கு பழகிவிட்டேன் ஆனால் கவிதை எழுதி சாகடிச்சிருவாங்க .இவங்க கவிதையை படிச்சி படிச்சி நானும் கவிதை எழுதிவிட்டேன்ன பாருங்களேன் (எலேய் ரமேஷ் ,டெர்ரர் சிரிக்காதீங்க .நீ எழுதினது கவிதையான்னு ...)என் மகளிடம் பேசும் மற்றொரு பதிவர் .

இது போக ரொம்ப விரும்பி படிக்கும் பதிவு கே .ஆர்.பி .செந்தில் ,ஜெ அண்ணன் இவர்களின் பதிவு .இதில் இவர்கள் இருவரின் எழுத்து எனக்கு ரொம்ப பிடிக்கும் .அதிலும் ஜெ அண்ணன் எழுத்து ரொம்ப பிடிக்கும் .என்ன காரணத்தினாலோ அவர் பதிவு எழுதவே இல்லை .

எல்லோருக்கும் ஒரு கனவு உண்டு நான் இப்படி இருக்க வேண்டும் என்று எனக்கு அவ்வகையில் யாரை போல் எழுத வேண்டும் என்றால் பட்டாப்பட்டி. மாதிரி தான் எழுதணும்ன்னு ஆசை .அவரோட ஸ்டைல் எனக்கு ரொம்ப பிடிக்கும் .பெரும்பாலும் சில பதிவர்களுக்கு பிடிக்காது ஆனால் எனக்கு அவரோட பதிவுகள் பிடிக்கும் .சொல்ல வந்தத நச்சுன்னு நடு மண்டையில் ஆணி அடிச்ச மாதிரி சொல்லுவாரு .அது தான் எனக்கு பிடிச்சது .

என்ன வலைச்சரம் மாதிரி பதிவுலகுல உள்ளவங்களை அறிமுக படுத்துறன்னு கேக்காதீங்க.2010 இவர்களிடம் பேசுவதும் வலைப்பூவை படிப்பது தான் என்னோட சந்தோசமா இருந்துச்சு அதனால் தான் இப்படி நான் திரும்பி பார்த்து இருக்கிறேன்

எனக்கு அதிகமா பதிவர்கள் தெரியாது .இருந்தாலும் என்னை ப்ளாக் எழுத அறிமுக படுத்திய நண்பன் சிரிப்பு போலீஸ் ஐ எழுத அழைக்கிறேன்(நான் எழுத சொன்ன தொடர் பதிவு நீ எழுதலை அதனால் நான் எழுத மாட்டேன் ன்னு மட்டும் சொன்ன .......)

இந்த டெர்ரர் பயலை கூப்பிடலாம்ன்னு பார்த்தா அவனை ஏற்கனவே கணேஷ் என்பவர் அழைத்து இருக்கிறார் (அப்படியே எழுதி கிழிச்சிட்டு தான் மறுவேலை பார்ப்பான் )

ஏறிபோச்சு....

2010-12-30T02:59:00.000-08:00

பத்தோடு பதினொன்று என்பது பழமொழி

இனி பத்து முடிந்து பதினொன்று...!

கொள்ளை அடிக்கும் பணத்தின் மதிப்பும் ஏறிபோச்சு

பண வீக்கமும் ஏறிபோச்சு...!

கொள்ளை கும்பலின் எண்ணிகையும் ஏறிபோச்சு...

விலை வாசியும் ஏறிபோச்சு....!

மண்ணுக்கு கீழ் விளையும்

வெங்காய

மதிப்பும் ஏறிபோச்சு...!

தங்கம் விலையும்

தலை கிரு கிறுக்கும் அளவுக்கு விலை ஏறிபோச்சு...!
பொன்னு விற்கும் விலையை பார்த்து
பொண்ணை பெற்றவர்களின் மனம் பதறி போச்சு .....!

மது கடைகளில் மாணவர்களை பார்க்கும் போது
மனம் நொடிந்து போச்சு ...!

ஏழை நாடு , ஏழை நாடு என்று சொல்லி சொல்லி

ஏழைகளின் வயிற்றில் அடிக்கும்

அரசியல்வாதியின் ஊழல் பணமும் ஏறிபோச்சு....!

விவசாயம் குறைந்து போச்சு

விவசாய கூலி ஏறிபோச்சு...

விவசாய நிலத்தின் விலையும் ஏறிபோச்சு....!

அரசியல் விளையாட்டில்

அரசு ஊழியர்களின் சம்பளமும் ஏறிபோச்சு...!

கண்டு களிக்க கலர் டி.வி தந்து

கரண்ட் பில்லும் ஏறிபோச்சு...!

குடிசை இல்லா தமிழகம்ன்னு சொல்லி

சிமெண்ட் ,மணல் விலையும் ஏறிபோச்சு...!

கல்வி கடன் கொடுத்து படிக்க சொல்லி

வேலை இல்லா

இளைஞர்

களின் எண்ணிக்கையும் ஏறிபோச்சு...!

வடைவேண்டும், வடை வேண்டும் என்று

நம்பர் போட்டு விளையாடும் பதிவர்களின்

எண்ணிக்கையும் ஏறிபோச்சு...!

பத்தை போல் இல்லாமல்

பதினொன்று நல்லா இருக்கணும் என்று இறைவனை வேண்டுகிறேன் .

அனைத்து தமிழ் பதிவர்களுக்கும் என்னோட ஆங்கில புத்தாண்டு நல்வாழ்த்துக்கள் மக்கா....

குறிப்பு :வருஷ கடைசில இப்படி ஒரு பதிவ போட்டு எல்லோரையும் இம்சை பண்ண வேண்டும் என்று ஒரு ஆசை அவ்வளவுதான் .

பதில் சொல்லுங்கப்பா-2

2010-12-23T02:42:00.000-08:00

நான் ஒரு அதி புத்திசாலின்னு எல்லோருக்கும் தெரியும். இந்த வருடத்தின் சிறந்த சந்தேகம் இல்லை என்றால் சிறந்த கேள்வி அப்படின்னு கூட சொல்லலாம் என் இனிய பதிவுலக நண்பர்களே ,அன்பர்களே .

டவுட்டு என்னன்னா இப்ப இத்தாலில இருந்து நம்ம ராஜீவ் காந்திய டாவு அடிச்சி கல்யாணம் கட்டி நம்ம சோனியாஜி இந்திய நாட்டுக்கு வந்துட்டாங்க .அவர்களையும் நம்ம இந்திய பிரஜை என்று சொல்லுகிறோம் .....இதையும் கடந்து ஒரு பெரிய தேசிய கட்சியின் தலைவியாக இருக்குறார் ..அதாவது காங்கிரஸ் கட்சியின் தலைவியாக இருக்கிறார் .நாளும் பொழுதும் சேர்ந்து வந்தால் பிரதமராக கூட ஆகும் வாய்ப்பு உண்டு .

சரி அதனால் நம்ம நாட்டுக்கு வந்ததால் அவர் இந்திய பிரஜை சரி தானே ....

இப்போ என்னோட டவுட்டு என்னன்னா நம்ம சானியா மிர்சா இருக்காங்களே அதாங்க டென்னிஸ் பிளேயர் அவங்க பாகிஸ்தான் கிரிக்கெட் பிளேயர் சோயப் மாலிக்கை கல்யாணம் செய்து கிட்டாங்க ஒருவருடம் ஆகிவிட்டது ...ஆனாலும் சானியா மிர்சா இன்னும் இந்தியாவுக்காக விளையாடுகிறார் அவர் வீட்டுகாரர் பாகிஸ்தான் நாட்டுக்காரர். ஆனா சானியா மிர்சா மட்டும் அந்த நாட்டுக்காக விளையாடமல் ஏன் இந்திய நாட்டுக்காக விளையாடுறாங்க .இது தான் என் டவுட்டு மக்கா .

இதை யாரிடம்மாவது கேட்டு தெரிஞ்சுக்கணும்ன்னு நினைச்சு யார்கிட்ட கேக்கலாம்னு நம்ம அருண் பிரசாத் (ஜூனியர்) அவர்கிட்ட கேட்டேன் .அவர் ஒரே வார்த்தைல இதை பத்தி கேக்கணும்னா ஒரே ஆள் நம்ம பட்டாப்பட்டிஜி தான்னு சொல்லிட்டார் .

இடுப்புல புள்ளைய வைச்சிகிட்டு ஊர் எல்லாம் தேடுன கதை தான் .நம்ம பட்டாப்பட்டி இருக்க கவலை ஏன் க க போ ....சரி பதிவுலகின் விடி வெள்ளி ,எதையும் நெற்றி பொட்டில் அடித்தார் போல் பதில் சொல்லும் அண்ணன் பட்டாப்பட்டியை கேட்டேன் .

பட்டாபட்டி இந்த சந்தேகம் வந்ததும் என்கிட்டே வராம எங்க ம@#$ரூ புடுங்க போனீயான்னு கேட்டாரு .சரி விடு நான் சொல்லுறேன் அதுக்கு முன்னாடி "அது என்ன இம்சை அரசன் பாபு"ன்னு பேரு வெச்சா போதாது எனக்கு சில சந்தேகம் இருக்கு அதை சொல்லுன்னு கேட்டாரு சரி கேளுங்க மக்கா தெரிஞ்சா சொல்லுகிறேன் என்றேன் .

சொல்லணும்!!!! அப்ப தான் மேல நீ கேட்ட கேள்விக்கு விடை சொல்லுவேன்னு சொல்லிட்டார்.

பட்டாபட்டிக்கு இப்படி சந்தேகம் வரும்ன்னு நினைக்கவே இல்லை .கேட்டாரு பாரு ஒரு கேள்வி ...

சந்தேகம் என்னான்னு .கீழே இருக்கு பாருங்க ........

"தட்டானுக்கு சட்டை போட்டால் குட்டை பையன் கட்டையால் அடிப்பான்"

"பன்றிக்கு நன்றி சொல்லி குன்றின் மேல் ஏறி நின்றால் வென்றிடலாம் குலசேகரனை"

இந்த ரெண்டுக்கும் விடை சொல்லு நான் உனக்கு விடை சொல்லுறேன் சொல்லிடாரு ..

எனக்கு வயிறு கலக்கி போய்கிட்டே இருக்கு பதிவர்களே

யாருக்காவது தெரிஞ்சா சொல்லுங்க ..

டிஸ்கி : இது சீரியஸ் பதிவா காமெடி பதிவான்னு கேட்க கூடாது

பப்ளிசிட்டி பக்கிரிசாமி

2010-12-18T03:10:00.000-08:00

நம்ம தமிழக முதல்வர் அவரர்கள் பல நல்ல திட்டங்களை நாட்டு மக்களுக்கு செய்துவருகிறார்கள் (சந்தேகம் வந்தால் நம்ம பட்டாபட்டியை கேட்டு கொள்ளவும் ).சரி நான் என்ன சொல்ல போறேன்னா ......... இப்ப ரேஷன் கடைல 50 ரூபாய்க்கு மளிகை பொருட்கள் தருகிறார் இல்லையா .அதுல நம்ம முதல்வர் சிரித்து கொண்டு இருக்கிறார் .இலவச தொலைகாட்சி பெட்டியில் சிரித்து கொண்டு இருக்கிறார் (விட்டா இவர் ரூபாய் நோட்டில் கூட இவர் படத்தை போடுவார்) இலவச காஸ் அடுப்பு பெட்டியில் சிரித்து கொண்டு இருக்கிறார் இப்படி பல திட்டங்கள் தரும் கலைஞர் அவர்கள் ஏன் சிலவற்றில் மட்டும் சிரிக்க மாட்டுறாரு ? ஏன் இந்த ஓரவஞ்சனைன்னு தெரியல ?

எல்லா இடங்களிலும் திறந்து இருக்கும் டாஸ்மாக் கடைகளில் தரும் மது பாட்டில்களுக்கு ஏன் நமது கலைஞர் சிரிக்க மாட்றாரு?ஏன் இந்த விசயத்தில் விளம்பரம் வேண்டாமா அவருக்கு? .ஏன் இந்த ஓரவஞ்சனை?இந்த அரசுக்கு மது விற்பனையில் தான் அதிக லாபம் வருகிறது அதில் சிரித்தால் என்ன..? இந்த அரசு இயங்குவதற்கு முழு முதல் காரணம் இதில் இருந்து வரும் அதிகபடியான லாபம் தானே .

நான் தான் 108 ஆம்புலன்சை கொண்டுவந்தேன் என்ற சண்டை இடுகிறார் .ஏன் 108 ஆம்புலன்சில் கலைஞர் சிரிக்க மாதிரி போட்டோ இல்லை? .ஏன் இதில் அவருக்கு விளம்பரம் தேவை இல்லையா ?

ஆனால் ...................

பிரதமர் மன்மோகன் சிங், உள்துறை அமைச்சர் ப.சிதம்பரம், தமிழக முதல்வர் கருணாநிதி ஆகிய முக்கியத் தலைவர்களை தீர்த்துக் கட்டும் திட்டத்துடன் விடுதலைப் புலிகள் தமிழகத்திற்குள் ஊடுருவியுள்ளார்கள என்று இந்திய உளவு அமைப்பு அளித்துள்ள எச்சரிக்கையின் அடிப்படையில் தமிழ்நாடு முழுவதும் பாதுகாப்பு பலப்படுத்தப்பட்டுள்ளதாக தமிழக காவல் துறை தெரிவித்துள்ளது.அந்த தகவல் உண்மையானது தானா? என்பதையறிய தமிழக காவல் துறையின் உளவு‌ப் பிரிவு முடுக்கிவிடப்பட்டுள்ளது என்றும் லத்திகா சரண் கூறியதாக தமிழ் பத்திரிகைகளில் செய்திகள் வந்துள்ளது.

ஏன் இந்த விசயத்தில் மட்டும் விளம்பரம் தேவையா???

உளவு துறைக்கு கிடைத்த தகவல் உண்மையானதாக இருந்தால் அதை ஏன் பத்திரிகைக்கும் ஊடகங்களுக்கும் தரவேண்டும்...?அவர்கள் எங்கு கூடுகிறார்களோ...! அங்கேயே போய் என்கௌன்ட்டர் பண்ணிற வேண்டியது தானே. இது நமக்கு ஏற்கனேவே ரொம்ப கை வந்த கலை ஆச்சே ..அல்லது இவர்கள் நாங்கள் எல்லாம் உஷாரா இருக்கோம்னு விடுதலை புலிகளுக்கு எச்சரிக்கை தருகிறீர்களா? ஏன் இந்த போலி விளம்பரம் தேவையா ?

இல்லையென்றால் மக்களை கொண்டு இந்த தீவீரவாதிகளை ஒடுக்க போகிறார்களா ஒன்றும் புரியவில்லை

பல்போ பல்பு

2010-12-14T03:29:00.000-08:00

சண்டே என் பொண்ணு வீட்டுல இருந்தாள் (பெரிய கண்டுபிடிப்பு சண்டேன்னா. லீவ் தான் குழந்தைங்க வீட்டுல தான் இருப்பாங்க ).என் வீட்டுக்கு கெஸ்ட் வந்திருந்தாங்க .எல்லோரும் மத்தியானம் சாப்ட்டுட்டு போய்ட்டாங்க .என் பொண்ணு வீட்டுல இருந்த செம்பருத்தி செடியில் இருந்து பூ எடுத்து வைச்சு சில படங்கள் மேல சொருகி வைச்சிருந்தா .திடிர்னு ரெண்டு பேப்பரை சின்ன உருண்டையா உருட்டி தன்னோட தலைய மூணு தடவை சுத்தினாள் .பின்பு மூன்று முறை அதன் மீது துப்பினாள் பின்னர் அதை சாமிக்கு தீபாரதானை காண்பிப்பது போன்று காட்டினாள்

என் பொண்ணை பார்த்து நான் அப்படியே ஷாக் ஆகிட்டேன் ..........

நான் : என்ன மக்கா செய்கிற ...........

என் மகள்:நீங்களும் அம்மாவும் சாமி கும்பிடும் பொழுது அந்த டப்பால இருந்து சூடம் எடுத்து என்ன செய்வீங்களோ அது தான் செய்யுறேன் ....

நான் :அப்பா சாமி கும்பிடும் போது சூடம் எடுத்து தலைய எப்ப மக்கா சுத்தினேன் அதுவும் நீ துப்புர. சாமிக்கு துப்பினதை யாராவது கொளுத்துவார்களா ?என்றேன்...........

என் மகள:(என் வீட்டமாவை பார்த்து)அம்மா நைட் சூடம் எடுத்து என் தலைய சுத்தி ....துப்ப சொல்லி தானே கொளுத்துவாங்க .......

நான் : பல்பு!!!!!!!!!

இருந்தாலும் நான் புத்திசாலி ஆயீற்றே (டாய் எவண்டா அங்க சிரிக்கிறது)........திரும்பவும் அது அதுக்கு இல்ல மக்கா அது உனக்கு திருஷ்ட்டி விழுந்திர கூடாதுன்னு அம்மா அப்படி செய்வாங்க .....சாமிக்கு அப்படி செய்ய   கூடாது என்ன மக்கா .............

என் மகள்:சரிப்பா ..........திருஷ்ட்டின்னா என்னப்பா?

நான் :   பல்பு !!!!!!!!!!!

என் மனைவி:அது வந்து இன்னைக்கு வீட்டுக்கு கெஸ்ட் வந்தாங்க இல்ல....உன்னை பார்த்து முடி நல்ல இருக்கு ........நீ நல்ல பேசுற இப்படி கண்ணு போட்டுருவாங்க .....அதை தான் திருஷ்ட்டின்னு சொல்லுவாங்க

என் மகள்:கண்ணு எப்படி அம்மா போடா முடியும் .....அது தான் கீழ விழாதே.........

நானும் என் மனைவியும்:    பல்பு !!!!!!!!!!!

ஒரு நாள் வீட்டுல இருந்ததுக்கு எத்தனை பல்பு வாங்குறது.............. முடியாது சாமீ ...............

சமகால கல்வி

2010-12-03T22:32:00.000-08:00

சமகால கல்வி முறை பற்றி ஏற்கனவே எஸ்.கே அவர்கள் எழுதி விட்டார்கள்.இருந்தாலும் இதை யார் வேண்டுமானாலும் தொடரலாம் என்று கூறியதால் என் மனதில் பட்டதை இங்கு கூறுகிறேன் .

நம் மாநிலத்தில் கல்வி மேலோங்கி இருக்கிறது மற்ற மாநிலங்களை காட்டிலும் தமிழ்நாட்டை பொறுத்த வரையில் தேர்ச்சி விகிதம் அதிகமாக தான் உள்ளது .இதை மறுப்பதற்கில்லை .ஆனால் கல்வி நிறுவனங்கள் கல்வியை மட்டும் தான் போதிக்கிறது. ஒழுக்கம் பண்பாடு ,கலாச்சாரம் என்பது எல்லாம் அடியோடு கிடையாது.

தமிழ் நாட்டை பொறுத்தவரை கல்வி என்பது சிறந்த வியாபாரமாகி விட்டது. அரசே பள்ளிகளில் கட்டணத்தை நிர்ணயம் செய்தும் அதை செயல் படுத்த முடியாமல் தவித்து வருகிறது. இந்த நிலைக்கு காரணம் வேறொன்றுமில்லை, அரசியல்வாதிகளே பெரும்பாலான கல்வி நிறுவனங்களை நடத்துவதால் தான். அவர்களே கட்டணத்தை நிர்ணயித்து கொள்கிறார்கள் அதில் கோடி கோடியாய் கொள்ளையும் அடிக்கிறார்கள் .நூற்றில் 80% MLAக்கு அல்லது MP க்கு எதாவது ஒரு கல்லூரி அல்லது ,பள்ளி கண்டிப்பாக இருக்கும் .

பள்ளிக்கூடங்களை பார்த்தோமென்றால் அதிலும் MATRICULATION ,CBSE ,ANGLO INDIAN என பல வகை. இவை அனைத்தும் பணம் மற்றும் அந்தஸ்த்தின் அடிப்படையில் தான் நடத்தப்படுகின்றன. சமீபத்தில் சமச்சீர் கல்வி என்று சட்டம் கொண்டு வரப்பட்டது. ஆனால் இதற்கும் அதற்கும் எந்த வித்தியாசமும் இருப்பதாக தெரியவில்லை. பிள்ளைகள் இப்பொழுது கூடுதல் பாட சுமை தான் பெறுகிறார்கள் .முதுகுகளில் அதிகமாக சுமக்கிறார்கள். வசதி படைத்தவர் ,வசதி இல்லாதவர் என்று அனைவருமே ஆங்கில வழி கல்விக்கு வந்து விட்டதனால் தான் அரசு சமச்சீர் கல்வியை கொண்டு வந்தது. இல்லையென்றால் இன்னும் சில காலத்தில் அரசு பள்ளிகளில் மாணவர்களே இருக்க மாட்டார்கள் இது மறுக்க முடியாத உண்மை!!!!!!!

பெரும்பாலான பெற்றோர்கள் அரசு பள்ளிகளை வெறுத்தொதுக்க காரணம் நமது அரசாங்கமும், பள்ளிகளில் பணிபுரியும் ஆசிரியர்களும் தான். அவர்கள் சரியான நபரை ஆசிரியராக பணி நியமனம் செய்யவில்லை. ஆசிரியர்களாவது ஒழுங்காக வேலை செய்கிறார்களா என்றால் அதுவும் இல்லை ,பெரு நகரங்கள் எப்படி என்று எனக்கு எனக்கு தெரியவில்லை. ஆனால் கிராமங்களிலும் ,சிறு நகரங்களிலும் அரசு ஆசிரியர்கள் பெரும்பாலானோர் தன் சம்பளத்தை வட்டிக்கு விட்டு சம்பாதிக்கிறார்கள். இது நான் கண் கூடாக பார்த்த உண்மை .ஒழுங்காக பாடம் எடுப்பதும் இல்லை .சமீபத்தில் கூட ஒரு செய்தி ஒரு அரசு ஆசிரியர் அவராகவே ஒரு பெண் ஆசிரியயை பணியமர்த்தி அவளுக்கு மாதம் 2000 ரூபாய் சம்பளம் கொடுத்து பாடம் எடுத்து இருக்கிறார். இது மட்டுமல்லாமல் பள்ளியில் கல்வி பயில வரும் மாணவ மாணவிகளை வீட்டிற்கு வேலைக்கு அழைத்து செல்வது, முறைகேடாக நடந்து கொள்வது பல கேவலமான செயல்கள் நடந்து வருகின்றன.

மேலும் பள்ளியில் ஒழுங்காக பாடத்தை நடத்தாமல், அதே பாடத்தை மாலை 5 மணிக்கு மேல் தங்கள் வீட்டில் டியூஷன் என்று சொல்லி கொடுத்து அதற்கு வேறு தனியாக வசூலித்து விடுகிறார்கள். .அப்படி பிள்ளைகள் போக வில்லை என்றால் அவர்கள் பாடத்தில் பெயில் ஆக்கி விடுவார்கள்.இப்பொழுது கொஞ்சம் பரவாயில்லை. 8வது வகுப்பு வரை பெயில் ஆக்க கூடாது என்று சட்டம் வந்து விட்டது . 12வகுப்பு மாணவர்களை பார்த்தால் பாவமாக இருக்கும் .காலையில் 6 மணிக்கு டியூஷன் போக ஆரம்பிக்கிறான் அப்படியே பள்ளி செல்கிறான் பின்பு பள்ளி விட்டு வந்து அடுத்த டியூஷன் என அவனது பொழுது ஓய்வில்லாமல் கழிகிறது. இதற்க்கு பேசாம கேரளாவுக்கு அடிமடாக போய் இருக்கலாம் .இவ்வளவுக்கும் அரசு ஆசிரியர் யாரும் தனியாக டியூஷன் எடுக்க கூடாதுன்னு ஒரு சட்டம் வேறு இருக்கு .

காமராஜர் அந்த காலத்தில் ஏழை, பணக்காரன் என்ற வித்தியாசம் தெரிய கூடாது என்பதற்காக பள்ளிகளில் ஒரே மாதிரியான ஆடைகள் அணிய வேண்டும் என்று கூறினார் .இப்பொழுது அதுவே வினையாக போய் விட்டது. திங்கள் கிழமை ஒரு கலர் துணி ,செவ்வாய் கிழமை ஒரு கலர் துணி .இப்படி தினம் ஒரு ஆடை போட வேண்டும் அதுவும் பள்ளிகளில் தான் வாங்க வேண்டும் என்று சட்டம் வேறு. அரசு பள்ளிகளில் இன்னும் இந்த முறை வராதது மகிழ்ச்சி.

18 வயது நிரம்பியவர்களுக்கு தான் இரு சக்கர ஓட்டுனர் உரிமம் கிடைக்கும். ஆனால் பெரும்பாலும் அனைத்து பள்ளிகளிலும் மாணவ மாணவியர் இரு சக்கர வாகனங்களில் தான் பள்ளிகளுக்கு வருகின்றனர். இதனை பள்ளி நிர்வாகமோ, ஆசிரியர்களோ கண்டு கொள்வதில்லை. பெரும்பாலான மாணவர்கள் சாலை விதிமுறைகளை மதிப்பதில்லை. பிறகு இவர்கள் வளர்ந்த பின் எப்படி நம் அரசு இயற்றும் சட்டத்தை மதிப்பார்கள் .மிதிக்கத்தான் செய்வார்கள் .இதில் வேறு அனைத்து +1மாணவர்களுக்கும் அரசு இலவச மிதிவண்டி வேற கொடுக்கிறது. குழந்தைகளுக்கு ஒழுக்கத்தை ஆசிரியர்கள் கற்று கொடுக்க வேண்டும்.

+2படித்த மாணவனிடம் வங்கியில் விண்ணப்பபாரம் பூர்த்தி செய்ய சொன்னால் முழிக்கிறான். கல்வி என்பது பெரும்பாலான மாணவர்களுக்கு ஒரு மனப்பாட விசயமாகவே இருக்கிறது. ஆசிரியர் சொல்வதை அப்படியே தேர்வில் ஒப்பித்து விடுகிறான். அதே விசயங்கள் வாழ்க்கையின் தேவைகளில் வரும் பொது அவனால் சரிவர செயல் பட முடிவதில்லை.

பெரும்பாலான மாணவர்கள் பாடங்களை தேர்வு செய்து படிப்பதில்லை. எதோ படிக்க வேண்டுமென்று படிக்கிறார்கள். பின்னர் தகுந்த வேலை கிடைக்காமல் அல்லாடுகிறார்கள். இதற்க்கான தீர்வுகள் நாம் பள்ளிக்காலத்திலேயே எடுக்க வேண்டியது கட்டாயம்.. சரியான திட்டமிடுதலே இதற்கு சிறந்த வழி..வாழ்க்கைக்கு உகந்த பாட திட்டங்கள் வர வேண்டும் குழந்தைகள் ஆனாலும் சரி இளைஞர்கள் ஆனாலும் சரி நல்ல விளையாடி படிக்க வேண்டும் என்பது என் ஆசை .எப்பொழுதுமே பாட புத்தகங்களை கட்டி அழுவதற்கு பதில் வேறு துறைகளிலும் கவனம் செலுத்த வேண்டும் .கல்லூரி படிக்கும் பொழுதே "கை தொழில் ஒன்றை கற்று கொள் கவலை உனக்கில்லை ஒத்து கொள் "என்பதற்கு ஏற்ப ஏதாவது ஒரு தொழில் சார்ந்த படிப்பை கட்டாயமாக்க வேண்டும் .

குறிப்பு :இதில் எல்லா ஆசிரியர்களையும் குறை கூற வில்லை .நல்ல ஆசிரியர்களும் இருக்க தான் செய்கிறார்கள்.

இந்த சமகால கல்வி முறை பற்றி மேலும் நம் பதிவர்கள் எழுத வேண்டும் .யார் வேண்டும் என்றாலும் தொடரலாம் .

சிரி............ சிரி...............

2010-11-26T04:13:00.000-08:00

நீங்க லவ் பண்ண இந்த msg அ படி .

1 .நீ மெலடி சாங் கேட்க்க ஆசை படுவ

2 .உன் லவர் நேம் எங்கயாவது பார்த்தா ஸ்டாப் ஆகிடுவ ...........

3 .உன் நண்பர்கள் உன்னை டீஸ் பண்ணினா கோப பட மாட்டாய்........

4 .மெதுவாக நடப்பாய்.............

6 .மழை துளி விழுவதை ரசிப்பாய்............

7 .இயற்கையை ரசிப்பாய் .............

8 .இந்த msg ல ஐந்தாவது பாயிண்ட் மிஸ் ஆனத கவனிச்சிருக்க மாட்ட..........

9 இப்போ உன் முகத்தில் ஒரு புன் சிரிப்பு தெரியும் ............

10 .கண்டிப்பாக நீ யாரையோ லவ் பண்ணுறீங்க ...........

= = = = = = = = = = = = = = = = = = == = = = = == = = = =

Question paper அ பார்த்து நம்ம அழுதா அது அவமானம் .............

Answer paper அ பார்த்து professor அழுதா அது சரித்திரம் ............

= = = = = = = = = = = = = = = = = = == = = = = == = = = =

MOTHER பிரச்சனையா ?

M .குமரன் S /O மஹாலக்ஷ்மி பாரு.

FATHER பிரச்சனையா ?

சந்தோஷ் சுப்ரமணியம் பாரு

SISTER பிரச்சனையா ?

பாச மலர் பாரு .

BROTHER பிரச்சனையா ?

வானத்தை போல பாரு .

லவர் அண்ணன் பிரச்சனையா ?

ரன் பாரு .

லவர் ஏ பிரச்சனையா ?

அவ தங்கச்சிய பாரு ............

= = = = = = = = = = = = = = = = = = == = = = = == = = = =

STUDYING ,READING என்று சொன்னால் உதடுகள் ஒட்டாது..............

SLEEPING ,PLAYING என்று சொன்னால் உதடுகள் ஒட்டும் ......................

EXAM HALL இல் படுத்து யோசிப்போர் சங்கம்

= = = = = = = = = = = = = = = = = = == = = = = == = = = =

எறும்புக்கும் கொசுவுக்கும் கல்யாணம்

முதல் இரவில் கொசு வெளியே உட்கார்ந்து வேடிக்கை பார்த்துட்டு இருந்தது .....

அப்போ கொசுவோட freind வந்து

ஏன்டா மச்சி வெளிய வந்து இருக்குற ன்னு கேட்டுச்சு

அதுக்கு மாப்பள கொசு சொல்லிச்சு "சிறிக்கி மவ உள்ள GOOD NIGHT போட்டுட்டு

தூங்குறாட மச்சி "

= = = = = = = = = = = = = = = = = = == = = = = == = = = =

அப்பா :ஏன்டா சொல் பேச்சு கேட்க்க மட்டுற ...........

மகன் :நீங்க சொல்லுறதெல்லாம் கேட்க்க முடியாது

இப்ப நானும் சம்பாதிக்கிறேன் ........

அப்பா :உனக்கு நாலு மாடு வாங்கி கொடுத்தது தப்பா போய்டுச்சி ...........

உன்னை எல்லாம் BSC ,BE ,MSC ,MBA ,MCA ன்னு படிக்க வைச்சு தெரு தெருவா

அலைய விட்டு இருக்கணும்

= = = = = = = = = = = = = = = = = = == = = = = == = = = =

பெண்களின் கண் அசைவுக்கு 1000 அர்த்தம் இருக்கும் ............

ஆனால் உண்மையான நண்பனின் கண் அசைவுக்கு ஒரே அர்த்தம் "மச்சி சூப்பர்

பிகுரு வருது டக்குன்னு திரும்பிறதே " HOW IS IT

= = = = = = = = = = = = = = = = = = == = = = = == = = = =

டெர்ரர் கவிதை :

சூரியனை சுற்றினால் வெந்து போவீர்கள் ...........

சுடிதாரை சுற்றினால் நொந்து போவீர்கள் ..........

= = = = = = = = = = = = = = = = = = == = = = = == = = = =

டீச்சர் : நீ பெரியவன் ஆகி என்ன பண்ண போற ?

மாணவன் :கல்யாணம்

டீச்சர் : அது இல்ல நீ என்னவா ஆக விரும்புற ?

மாணவன்: கணவன்

டீச்சர் : நோ . அது இல்லை வாழ்கையில் உனக்கு என்ன கிடைக்கும்னு எதிர் பார்க்குற

மாணவன்:மனைவி

டீச்சர் : நோ .உங்க பெற்றோர்களுக்கு என்ன பண்ண போற ?

மாணவன்:மருமகள் தேடுவேன்

டீச்சர் :ஸ்டுபிட் ,உங்க அப்பா உன்கிட்ட என்ன எதிர் பார்க்கிறாங்க ?

மாணவன்: பேர குழந்தைகள்

டீச்சர் :ஐயோ .உன் வாழ்க்கை லட்சியம் தான் என்ன ?

மாணவன் : நாம் இருவர் .நமக்கு இருவர்

= = = = = = = = = = = = = = = = = = == = = = = == = = = =

ஒரு பையன் பரீட்சை அறையில் question paper வாங்கி விட்டு பாடின பாட்டு

அந்த நேரம் அந்தி நேரம் ,கண் பார்த்து காதலாகி , போன நேரம் ஏதோ ஆச்சி ,

ஓஹ question பேப்பர் கையில் வந்தச்சு ,அப்பாவின் திட்டு எல்லாம் காற்றோடு போயே போச்சு ,

ஹோசன்ன ......

என் பெஞ்சை தாண்டி போனாளே ,ஹோசன்னே answer ஒன்றும் சொல்லாமலே ,

நான் மெண்டல் ஆகிறேன் ,சுக்கு நூராகிறேன் ,

த இட்

அவள் போன பின்பு ,எந்தன் பிட்டை தேடி போகிறேன்

= = = = = = = = = = = = = = = = = = = == = = == = = = = =

குறிப்பு :இந்த SMS ஜோக்ஸ் எனக்கு வந்தது கிடையாது .............................

காக்கா

2010-11-21T21:29:00.000-08:00

இன்னைக்கு காலைல ஒரு 6மணி இருக்கும் எந்திருச்சி பல் துலக்கிட்டு இருந்தேன். என்னோட குட்டி பொண்ணும் பக்கத்துல இருந்தா .வீட்டுக்காரம்மா துணி துவச்சி கிட்டு இருந்தாங்க. நேத்து இரவு முழுவதும் நல்ல மழை. கரண்ட் கம்பில நிறைய காக்கா இருந்துச்சு. அந்த காக்கா கூட்டத்தில ஒரு குஞ்சு காக்கவும் இருந்துச்சு. நான் எப்பவுமே புத்திசாலின்னு எங்க அம்மா அடிக்கடி சொல்லுவாங்க (டேய் யாருடா அங்க சிரிக்கிறது ......பிச்சு புடுவேன் பிச்சு ).

நான் ஒரு ஆர்வகோளறு உள்ளவன்னு உங்க எல்லோருக்கும் தெரியும். அந்த ஆர்வக்கோளாறு காரணமா என் பொண்ண தூக்கி வச்சுக்கிட்டு. மக்கா அங்க பாரு ஒரு குஞ்சு காக்கா இருக்குன்னு என் பொண்ணுக்கு காண்பித்து கொடுத்தேன்.அவளும் இவ்வளவு நாளா பெரிய காக்கா தான் பார்த்திருக்கா ஆதனால குஞ்சு காக்காவ சந்தோசமா பார்த்திட்டிருந்தவ .. திடீர்ன்னு

என் மகள் : அப்பா அந்த பெரிய காக்கா என்ன செய்யுது ?

நான் :அது தன் குட்டி புள்ளைக்கு சோறு ஊட்டுதுடா செல்லம்..
(காக்கா தன் அலகில் இருந்த உணவை குஞ்சு காக்காக்கு கொடுத்துட்டு இருந்துச்சு )

என் மகள் :அப்பா இது அப்போ அம்மா காக்கா தானே ?

நான் :ஏன் அப்படி கேக்குற மக்கா

என் மகள் :அம்மா தானே எனக்கு சோறு ஊட்டுவாங்க........ அதனால அதுவும் அம்மா காக்காவா தானே இருக்கும்..

நான் : ஆமாடா செல்லம்.

என் மகள் : ஆமாப்பா இதுல எது அப்பா காக்கா?..........

நான் :????????????பல்பு !!!!!!(யாராவது சிரிச்சிங்கன்னா எனக்கு கெட்ட கோவம் வரும் )

நான் என் வீட்டம்மாவ பார்த்தேன்... என் வீட்டம்மாவ கோவமா என்னை பார்த்து.. ஏங்க உங்களுக்கு காலையிலையே இதெல்லாம் தேவையா... போங்க சீக்கிரம் போய் பல் தேச்சிட்டு எடத்த காலி பண்ணுங்க. அப்படீன்னு சொல்லிட்டு அவ பாட்டுக்கு உள்ள போயிட்டா........

எனக்கு இன்னும் சந்தேகம் தீரல.......காக்கால எது ஆண் காக்கா ....எது பெண் காக்கான்னு எப்படி கண்டு பிடிக்கிறது ...

யாருல அங்கே ஓடி போறது...ஒழுங்கா பதில் சொல்லிட்டு போங்க..

தி பாஸ்

2010-11-16T19:09:00.000-08:00

சினிமா உலகத்தை பொறுத்த வரையில் இந்த தலைப்புக்கு உரியவர் நம்ம சூப்பர் ஸ்டார் ரஜினிகாந்த தான்.

இந்த பதிவை எழுத எனக்கு வாய்ப்பளித்த சிரிப்புபோலீஸ் க்கு முதல நன்றியை தெரிவித்து கொள்கிறேன்.

மேலும் அன்பு மிரட்டல் விட்ட நண்பர் அருண்பிரசாத் ,அடிகடி ஞாபக படுத்திய சௌந்தர் எல்லோருக்கும் நன்றி ......

நான் முதல் முதலில் ரஜினி படம்ன்னு பார்த்தது மாவீரன் தான் 5வகுப்பு படிக்கும் பொழுது பார்த்தது .இந்த படம் பார்த்தாலும்.வேலைக்காரன் படம் தான் நான் ரஜினி ரசிகனாக ஆகுவதற்கு முதல் காரணமாக இருந்தது .......பிடித்த படம் என்றால் maximum எல்லாமே பிடித்த படம் தான் ........

கொடிபறக்குது இந்த படம் பாரதிராஜா எடுத்தது படம் ரொம்ப நாள் ஓட வில்லை என்றாலும் எனக்கு பிடிக்கும் .இந்த படத்தில் இருந்து தான் மணிவண்ணன் நடிகராக ரீ என்ட்ரி கொடுத்த படம் .மணிவண்ணனுக்கு பாரதிராஜா குரல் கொடுத்து இருப்பார் நன்றாக இருக்கும் .குறிப்பாக இந்த தாதா காரெக்டர் ரொம்ப நல்லா இருக்கும் .

எஜமான் இந்த படம் நான் ரஜினியை முதலில் ஒரு படம் முழுவதும் வேஷ்டி சட்டையோடு பார்த்தது.பாட்டு அவ்வளவும் சூப்பர் டுப்பர் ஹிட் .இதுல தலைவர் தோளில் துண்டை ஒரு சுற்று சுற்றி போடும் அழகே தனி அழகு தான்.

தர்மயுத்தம் இந்த படத்தில் ரஜினிக்கு பௌர்ணமி அன்னைக்கு பைத்தியம் பிடிக்கும் .ரெண்டு பாட்டு சூப்பர் ஹிட்."ஒரு தங்க ரதத்தில் ஒரு மஞ்சள் நிலவு ","ஆகாய கங்கை " இதில் ஆகாய கங்கை பாட்டுக்கு முழுவதும் ஸ்ரீதேவி உட்கார்ந்தே இருபாங்க காலில் எலும்பு முறிவு ஏற்பட்டதால் உட்கார வைத்தே ஷூட்டிங் முடித்தாக கேள்வி பட்டு இருக்கிறேன்.

பாபா இந்த படம் தோல்வி படம்னு எல்லோரும் சொல்லுவாங்க .ஆனா எனக்கு இந்த படம் புடிக்கும் .மேக் அப் தான் சுத்தமாக நல்ல இருக்காது இந்த படத்தில் பாட்டு அனைத்தும் ஹிட் .பாபா கவுன்ட்ஸ் ஸ்டார்ட் ன்னு சொல்லுற அழகே தனி தான்.

தர்மதுரை இந்த படத்தில் முதல் பாதி முழுவதும் காமெடியாக இருக்கும் அடுத்த பாதி ரொம்ப கதை அம்சம் உள்ளதாக இருக்கும் .இரு தம்பிகளுக்காக சொத்து ,குழந்தை எல்லாம் இழந்து விடுவார்.அதுலேயும் தம்பிகளை பார்பதற்காக சென்னை வரும் பொழுது அவர் டிரஸ் எல்லாம் போட்டு செம காமெடி யாக இருக்கும்.இந்த படத்தில் ரெண்டு சூப்பர் டுப்பர் பாட்டு"அண்ணன் என்ன தம்பி என்ன ",மாசி மாசம் ஆளான பொண்ணு " இந்த ரெண்டு பாட்டு ரொம்ப புடிக்கும் எனக்கு.

ராஜா சின்ன ரோஜா இந்த படத்துல தான் தலைவருக்கு ஒரு பாட்டு "சூப்பர் ஸ்டாரு யாருன்னு கேட்ட "இந்த பாட்டு செம ஹிட் அதுக்கப்புறம் கார்டூன்ஸ் கூட நடனம் ஆடும் ஒரு பாட்டு .தலைவருக்கு அதற்க்கப்புறம் ஏகப்பட்ட குழந்தைகள் ரசிகர்களாக மாறிவிட்டனர் .....

வேலைகாரன் நான் ரஜினி ரசிகனாக ஆனதற்கு முக்கிய கரணம் இந்த படம் .நல்ல கமெடி குறிப்பாக நாசர் உனக்கு இங்கிலீஷ் தெரியுமா என்று கேட்டவுடன் தலைவர் சொல்லும் ஸ்டைல் தனி.பாட்டு அனைத்தும் ஹிட்.

சிவாஜி இந்த படத்தை பற்றி சொல்லவே வேண்டாம். பாட்டு அனைத்தும் ஹிட் ,பஞ்ச் வசனம் ஹிட், ரஜினி ரொம்ப இளமையா காண்பிச்சு இருபங்க .இது என் பொண்ணு கூட ரொம்ப ரசிச்சு பார்த்த படம் அப்போ அவள் LKG படிச்சா அப்போ தலைவரோட மகிமைய பார்த்துகோங்க ?படம் செம ஹிட் .பெரியோர் முதல் சிறியவர் வரை எல்லோரையும் ரீச் ஆனா படம் .

பாட்ஷா எல்லோருக்கும் முதல் இடம் இந்த படம் தான் .ஏன் தலைவருக்கே இந்த படம் தான்னு அவரே சொல்லி இருக்கார். இதில் முதல் சண்டை கட்சி ரொம்ப நல்லா இருக்கு. பாட்டு ஹிட் .அதற்க்கப்புறம் ரஜினிக்கு ரகுவரன் தான் வில்லன் ரோல்க்கு ரொம்ப சரியான ஆள் இவர்தான்.

அண்ணாமலை என்னோட டாப் 10 இது தான் முதல் இடம் இதை தான் அதிகமாக பார்த்த படமும் கூட. இந்த படத்தில் இருந்து ரஜினி அரசியல் பஞ்ச் வசனம் வச்சு பேச ஆரம்பித்தார் .என்னோட செல் ரிங் டோன் கூட "வெற்றி நிச்சயம் இது வேத தத்துவம் "இந்த சாங் தான் ரொம்ப நாள் இது தான் இருந்தது .மலைடா அண்ணாமலை அப்படி சொல்ல வசனம் .ரொம்ப புடிக்கும் .அதற்கப்புறம்

"ஆமபளைங்க போடுறது மன கணக்கு

பொண்ணுங்க போடறது திருமண கணக்கு " இந்த வசனம் மனப்பாடம் .ரொம்ப புடிச்ச படம் இதை ஆடிக்க எந்த படமும் இல்லை என்னோட வரிசையில்

இது மட்டும் தான் என்னோட பிடித்த படம் இல்லை .தில்லுமுல்லு ,தம்பிக்கு எந்த ஊரு ,முள்ளும் மலரும் ,நெற்றிகண் ,மாப்பிளை ,போன்ற படங்களும் எனக்கு ரொம்ப பிடிக்கும்.
சரி அடுத்த தொடர் பதிவை யாரை எழுத சொல்லனம்னு யோசிச்ச பொழுது இருவரை தேர்ந்து எடுத்திருக்கிறேன்.

பிரபாகர் .பிரபாகரனின் தத்துபித்துவங்கள்மற்றும்
அருண் பிரசாத்: சுற்றுலா விரும்பி

பதில் சொல்லுங்கப்பா ?

2010-11-10T22:06:00.000-08:00

என்ன நடக்கிறது தமிழ் நாட்டில் ஒண்ணுமே புரியவில்லை .நேத்து மங்குனி பதிவில் என்கௌண்டர் பற்றி எழுதி இருக்கிறார் அதில் தமிழ் மலர் என்ற பதிவர் நானும் ஒரு பத்திரிகையாளர் என்று கூறி இருக்கிறார் .சரி அப்போ உண்மை என்பது பத்திரிகையில் வரவே வராதா ?........

போன வாரம் என்னடான்னா ஒரே கீர்த்திவாசன் கடத்த பட்ட செய்தி .......சரி கீர்த்திவாசன் அப்பா பேரு ரமேஷ் அவரோட போட்டோவ ஒரு நாதாரிகளும் போடலை.கேட்டா privacyன்னு சொல்லுவாங்க ......ஆனா இந்த போலீஸ் 50 ரூபாய் திருடுறவன ஜட்டியோட போஸ் கொடுத்து பத்திரிகையில் போடுவாங்க.ஒரே நாள் இரவோடு இரவாக ஒரு கோடி புரட்டின புண்ணியவான் அ கண் குளிர பார்க்கலாம்னு நினைச்சா அவர் முஞ்சிய கடைசி வரைக்கும் பார்க்கவே முடியல? இது தான் பத்திரிகைகாரங்க.ஒரு வேளை அவர் கோடிஸ்வரர் அதனால் தன் முகத்தை வெளி உலகத்திற்கு காண்பிக்க மாட்டார் போல இருக்கு .இதற்கு உடந்தை இந்த பத்திரிகை இதுதான் பத்திரிகை தர்மமா?

சரி இது எல்லாம் இருக்கட்டும் நான் இப்பொழுது இன்னொரு கேள்வி கேட்கிறேன் இதை அரசியல் தெரிந்த நபர்கள் யாராவது வந்து பதில் கூறுங்கள் .தமிழ் நாட்டில் கடந்த ஒரு மாதத்தில் சிமெண்ட் விலை 160 ரூபாயில் இருந்து 300 ரூபாய்க்கு ஏறிவிட்டது .ஏன் இந்த திடீர் ஏற்றம்?.அரசும் மௌனம் சாதிக்கிறதே தவிர இதற்கு விடை சொல்ல வில்லை .

மத்திய மாநில அரசுகள் புதிய வரி எதுவும் விதிக்கவும் இல்லை.மூல பொருட்களின் விலையும் ஏற வில்லை .ஒருமூடை சிமெண்ட்ன் அடக்கவிலை 140 முதல் 160 ரூபாய் தான் பின்பு ஏன் இந்த விலை ஏற்றம் ?

பத்திரிகை துறை ஏன் மௌனம் சாதிக்கிறது ?அவர்களுக்கு தெரியுமே ?.ஏன் அவர்கள் இதை பற்றி விரிவாக எழுத வில்லை ?..

எதற்கெடுத்தாலும் பக்கத்து மாநிலத்தை சுட்டி காட்டும் நமது முதல்வர் இந்த விசயத்தில் மௌனமாக இருக்கிறார் .ஏனென்றால் பக்கத்துக்கு மாநிலத்தில் இருந்து கிட்டத்தட்ட 60 முதல் 75 ரூபாய் அதிகமாக நம் மாநிலத்தில் இருக்கிறது..

ஏன் இந்த பகல் கொள்ளை ? கட்டுமான வேலை ஸ்தம்பித்து நிற்கிறது ........நிறைய தொழிலாளர்கள் வேலை இழந்து நிற்கிறார்கள் .இதற்கும் பதில் இல்லை .......

ஒருவேளை விவசாய நிலங்கள் எல்லாம் வீடுகளாக மாறுகிறது அதனால் எல்லா பொருட்களின் விலையை ஏற்றி விட்டால் நடுத்தர மக்களால் வீடு கட்ட முடியாது ........விவசாய நிலமும் விலை போகாது என்ற எண்ணமோ? தெரியவில்லை?சிமெண்ட் மட்டும் இல்ல செங்கல் 3.50 ரூபாயில் இருந்து 6 ரூபாய் ஆகி இருக்கிறது (ஒரு செங்கல்).கம்பி 33000திலிருது 40000ஆகிவிட்டது (ஒரு டன்னுக்கு ).

ஏன் இந்த விலை ஏற்றம் புரியவே இல்லை .?

யாராவது வந்து சொல்லுங்க ..நானும் சீக்கிரம் வீடு கட்டனும் (ரமேஷும் பாவம் இப்ப தான் நிலத்தை வாங்கினான் அதுக்குள்ள இவங்களுக்கு பொருக்க முடியலை.இனி எப்ப வீட்ட கட்டி ?எப்ப கல்யாணத்தை பண்ண போறனோ ? )............

பன்னி வாங்க நீங்க தான் சரியா விளக்கம்(வில்லங்கம் வரகூடாது மக்கா) கொடுப்பீர்கள் ......

பதிவர்களும் பட்டாசுகளும்

2010-10-29T22:03:00.000-07:00

நம்ம பதிவுலக நண்பர்களையும்,பட்டாசுகளையும் இணைத்து ஒரு பதிவு எழுத திடிர்னு ஐடியா கிடைத்தது. சரின்னு எழுத ஆரம்பிச்ச பட்டாசு பேரு வரமாட்டுது உடனே வண்டியை எடுத்துட்டு பட்டாசு கடைக்கு போனேன் போய் எல்லா பெயர்களையும் வாங்கி .எந்த எந்த பட்டாசுக்கள் நம்ம பதிவர்களுக்கு பொருந்தும் என்று கீழ போட்டு இருக்கிறேன் .

புஸ்வானம் முதலில் லைட்அ தான் எறியும் அப்புறம் நல்ல மெல்ல மெல்ல உயர போகும்.

நம்ம தேவா அண்ணாமாதிரி முதல்ல படிக்கும் பொழுது ஸ்லோவா புரியுற மாதிரி இருக்கும் உள்ளே போக போக அதனின் அர்த்தம் தெரிந்ததும் நல்ல இருக்கும் .

பாம்பு மாத்திரை இது புகையும் ஒரு மாதிரி எறிந்த வாடை அடிக்கும் .ஆனால் இதனால் பயம் இல்லை .

நம்ம கோமாளி செல்வாமொக்கை என்கிற பெயரில் ஒரே புகைய கிளப்பி விட்ருவான் .யாருக்கும் பாதிப்பில்லாமல்.

டபுள் ஷாட் இது ரெண்டு தடவை சத்தம் கொடுக்கும் ஒன்று கீழ இன்னொன்று மேல போய் வெடிக்கும்

நம்ம அருண் சினிமா புதிர் போட்டு சாகடிக்கிறது.(கீழே காது கிழிய வெடிக்கிறது )மற்றொன்று தன அனுபவங்களை அழகாக எழுதி எல்லோரையும் ரசிக்க வைப்பது .(மேலே போய் வெடிக்கும் பொழுது காதுக்கு பாதிப்பு இருக்காது ).

தரை சக்கரம் இது எப்போதும் ஒரே மாதிரி தான் தரையில் சுற்றும் .இருந்தாலும் திடீர்னு வெடிச்சிரும்.

நம்ம பன்னி குட்டி ராமசாமி ஒரே மாதிரி எப்ப பார்த்தாலும் விஜய பத்தி அதிகமாக பதிவு எழுதுறது .ஆனாலும் திடீர்னு ராமர்பிள்ளை பற்றி எழுதி அசத்துவார் .

கம்பி மத்தாப்பு இதை பெண்களும் சிறுவர்களும் விரும்பி கொளுத்துவார்கள் பயமே இல்லாத ஒன்று

இது நம்ம சௌந்தர் (ரசிகன்)இவர் பதிவை எல்லோரும் படிக்கலாம் எந்த பாதிப்பையும் ஏற்படுத்த மாட்டார்

அணு குண்டு இது ஒன்னு வெடிச்சாலும் அந்த ஏரியாவே அதிரும் .காதில் ரத்தம் வரும் அளவுக்கு சத்தம் இருக்கும் .

இது நம்ம டெர்ரர்.இவர் எப்பாவது ஒரு பதிவு தான் போடுவார் அந்த பதிவு பதிவுலகமே இவரை பார்த்து பயப்படும் கமெண்ட்ஸ் ல எல்லோரையும் போட்டு அடிப்பார் .ஹி....ஹி ....சில சமயம் வேற ப்ளோக்ல போயும் காதுல ரத்தம் வர அளவுக்கு இவரு அடிவாங்குவாறு

10000 வால சரவெடி ஒரு தடவ திரிய பத்த வச்சிட்டா போதும் சர சரவென வெடிச்சிகிட்டே இருக்கும் யாரும் கிட்ட போக முடியாது.

இது பட்டபாட்டி ஒரு பதிவு போடுவார் யாராவது கமெண்ட்ஸ் எழுத கிட்ட போன அவ்வளவு தான் காதுல இருந்து ரத்தம் வரும் அளவுக்கு வசவு இருக்கும்

கேப் ரோல் இதை துப்பாக்கியில் லோட பண்ணியாச்சுன்ன அது பாட்டுக்கு டப்பு..... டப்பு ...ன்னு சுட்டு கிட்டே இருக்கும் .

இது நம்ம மங்குனி பதிவு மாதிரி சின்ன பதிவ தான் இருக்கும்.ஆனா கமெண்ட்ஸ் மட்டும் டப்பு..... டப்பு ...ன்னு சுட்டது மாதிரி விழுந்துகிட்டே இருக்கும்.

500 வால சரவெடி திரிய பத்த வச்சிட்டா சர சரவென வெடிக்கும் ஆனா உடனே அடங்கிடும் .

இது நம்ம வெங்கட் சின்ன பதிவா இருந்தாலும் நச்சுன்னு நல்ல இருக்கும் சீக்கிரம் எல்லோருக்கும் புரியும் படியான சிரிப்பு வெடியாகவும் இருக்கும்..

சாட்டை இது மொத்தத்துக்கு பயமே கிடையாது .யாருனாலும் கொளுத்தலாம் அது பாட்டுக்கு எரிஞ்சிகிட்டே இருக்கும்

இது நம்ம PSV இவர் பதிவ எல்லோரும் படிக்கலாம்.யார் கமெண்ட்ஸ் போட்டாலும் சரி ,voteபோட்டாலும் சரி .அவர் கண்டுக்கவே மாட்டார்.அவரு பாட்டுக்கு எழுதிகிட்டே இருப்பார்.

புல்லெட் பாம் இது பார்க்குறதுக்கு சிறிய வெடி மாதரி தான் இருக்கும் ஆனா ரொம்ப பவர்புல் வெடி

இது நம்ம எஸ் .கே கமெண்ட்ஸ் எல்லாம் சும்மா பவர் புல்அ இருக்கும் .கதை எழுதுவாரு பாருங்க .போரும்ல தான் எழுதுவார் செம ஹிட்(என் அன்பான வேண்டுகோள் எஸ்.கே நீங்க கண்டிப்பாக ப்ளாக்ல ஒரு கதை எழுதணும்).

ராக்கெட் இதுல திரிய பத்த வைச்ச விடனே வானத்தை நோக்கி போகும் அப்படியே காணமல் போய் விடும் .

இது நம்ம வெறும்பய பதிவ முதல் ரெண்டு பாரா நல்ல இருக்கும் கடைசி பார்த்தா சப்பை மேட்டர் மாதிரி பதிவ முடிசிருவார்

சரி எல்லோருக்கும் தீபாவளி வாழ்த்துக்கள் மக்கா ...

(எங்கேயோ இருந்து தேவா அண்ணா குரல் )டேய் தம்பி பாபு .ஏன்டா இப்படி இம்சை பண்ணுற .உன் "நண்பன்டாசிரிப்பு போலீஸ் அவனை பற்றி ஒன்னும் சொல்லாம போற ......

தேவா அண்ணா நீங்க சொல்லி நான் கேட்காம இருப்பேனா .இதோ

நமத்துபோன பட்டாசு இதுல திரியா பத்தவச்ச உடனே ஸ்ஸ்ஸ்ஸ்ஸ்ஸ் ன்னு சத்தம் கொடுக்கும் ஆனா வெடிக்காது

அதே மாதிரி தான் நம்ம சிரிப்பு போலீஸ் ரமேஷ் (என்னத்த சொல்லுறது ) அதான் நமத்து போச்சே ........

Fancy shot இது ரொம்ப காஸ்ட்லியான வெடிங்க .திரியா பத்த வச்சி விட்ட போதும் மேல போய் கலர்புல்அ வெடிக்கும் பாருங்க பார்த்துகிட்டே இருக்கலாம் ......

இது நம்ம இம்சை பாபு வோட பதிவு ....அத சொல்லுறதுக்குள்ள (ஏப்பா டெர்ரர் என் இப்படி கோவ படுற சரி விடுப்பா ...ஸ் ஸ் ஸ் ... அடிக்காதே ......பாருடா அதுக்குள்ள எவனோ கல் எடுத்து எரியுறான் .....சரி மக்கா விடுங்க .)

அடுத்து இந்த தீபாவளி ஸ்பெஷல் போன் வெடி. இது துபாய்ல இருந்து வெடிச்சாலும் இந்தியா வுக்கு கேக்கும் இதுல என்ன ஸ்பெஷல்னா..............

ச்சே .து ...................இத நான் சொல்ல கூடாதுன்னு பதிவுலக மாமேதை பனங்காட்டு நரி சொல்லிருக்கு .அவரே கமெண்ட்ஸ்ல வந்து சொல்லுவாரு .வா மக்கா நரி வந்து சொல்லு.

மீண்டும் ஒருவாட்டி எல்லோருக்கும் தீபாவளி நல்வாழ்த்துக்கள் .

எல்லோரும் படித்து விட்டு கண்டிப்பாக ஓட்டு போடவும் . ஏக ஓட்டு பட்டைகள் நண்பர் அருண் எடுத்து வைத்து என்னோட ப்ளாக் அ அழகு படுத்தி தந்திருக்கார்.

நன்றி சொல்ல வந்தேன் ......

2010-10-25T21:26:00.000-07:00

STUPID!! WILL YOU DO EVERYTHING THAT I SAID?!
மேல உள்ள வரியை copy செய்யவும் .பின்பு notepad -இல் paste செய்யவும்

என் அன்பார்ந்த பதிவுலக நண்பர்களே. என்னையும் மனுசன்னு நினைத்து .எனக்கு ஆதரவளித்த அனைத்து அன்பர்களுக்கும் ,நண்பர்களுக்கும் முதற்கண் வணக்கத்தை தெரிவித்து கொள்கிறேன் .

என்னை பதிவு எழுத சொல்லி மக்களாகிய நீங்கள் வற்புறுத்தி வந்தீர்கள் நானும் ஆண்டவன் இன்னும் எனக்கு கட்டளை இட வில்லை என்று சொல்லி வந்தேன் ஆண்டவன் கூறியதால் பதிவு எழுத வந்தேன் நாட்டை திருத்த வேண்டும் என்று தான் என் எண்ணம் ஆனால் இந்த ரமேஷ் இருக்கும் வரை அது நடக்காது என்று தெரியும் என்னைக்காவது ரமேஷை போட்டு தள்ளிவிட்டு என் கடமையை செய்வேன்...!

இருந்தாலும் எல்லோருக்கும் என் நன்றியை வித்தியாசமான முறையில் தெரிவிக்க வேண்டும் என்று தோன்றியது .அதனால் மேல உள்ள line-ஐ copy செய்து notepad -இல் paste செய்யவும் ...

இது என் நண்பர்களுக்கு மட்டும் தான்.

என் முதல் எதிரியான terror இதை பார்க்க வேண்டாம் ....

முக்கியமாக வயதில் மூத்தவரான தேவா அண்ணா,கே .ஆர் .பி,PSV.இவர்கள் இதை பரிசோதித்து பார்க்க கூடாது (புரிஞ்சிகோங்க ....)

தீபாவளி வந்தாச்சு ..

2010-10-21T06:28:00.000-07:00

தீபாவளிக்கு இன்னும் ரெண்டு வாரங்களே உள்ளன எல்லோரும் புத்தாடை வாங்கியாச்சா?. தீபாவளி என்றாலே பெரியவர்கள் முதல் சிறியவர்கள் வரை எல்லோருக்கும் சந்தோசம் .சின்ன வயதில் தீபாவளி கொண்டாடியதை நினைத்து பார்கிறேன் .

தீபாவளி ஒரு வாரம் இருக்கும் போதே தீபாவளி பற்றி தான் பேச்சு இருக்கும் அம்மா பலகாரம் எல்லாம் சுட்டு வைப்பார்கள் , பட்டாசு எல்லாம் வாங்கி வைத்து இருப்பாங்க அதை எடுத்து நாங்களும் பட்டாசு வாங்கிட்டோம்ன்னு சும்மா ரெண்டு வெடித்து காட்டுவோம்.காலையில் சர்வ சாதரணமாக 5.30மணிக்கு எழுதிருப்பேன் ஆனால் தீபாவளி அன்று தூக்கமே வராது என்னோட நண்பர்கள் எழுந்திருக்கும் முன் நான் போய் முதலில் பட்டாசு வெடிக்கணும்னு ஒரு ஆவல் .நாலு மணிக்கே எந்திரிச்சு அம்மா எண்ணெய் தேய்கவா என்று கேட்பது .அம்மா இல்லைடா இன்னும் நேரம் இருக்கிறது என்பார்கள் . கடைசியில் காலையில் குளித்து பட்டாசு வெடிப்போம் அதுவும் சும்மா பந்தா பண்ண மிளகாய் வெடியை கையில் எடுத்து பற்ற வைத்து தூக்கி போடுவோம். நாங்க எல்லாம் யாரு டெரருக்கே டெரர் காட்டுவோம்

அதுவும் இல்லாமல் யார் வீட்டின் முன்பு அதிகமாக பட்டாசு பேப்பர் கிடக்கிறதோ அவர்கள் தான் நிறைய பட்டாசு வாங்கி இருகாங்கன்னு அர்த்தம்.அதனால் பட்டாசு வாங்கும் பொது லக்ஷ்மி அவுட் ,குருவி அவுட் இப்படி பேப்பர் நிறைய சேரும்லா அந்த பட்டாசுகளை வீட்டில் சண்டை போட்டு வாங்குவோம் அப்படி வீட்டு முன்னாடி சேர்ந்து இருக்கும் அந்த பேப்பரை எல்லாம் கொள்ளுதி நைட் 12மணி வரை அட்டகாசம் பண்ணுவோம் இது எல்லாம் 9ஆம் வகுப்பு வரை தான் அதற்கப்புறம் கொஞ்சம் பெரிய பையனாக ஆனவுடன் பட்டாசின் மீது ஆசை தீர்ந்து விடுகிறது

அப்புறம் விதம் விதமாக டிரஸ் எடுக்க வேண்டும் .வீட்டில் அப்பாவிடம் பட்டாசுக்குனு காசு வாங்கிட்டு போய் டிரஸ் வாங்கிட்டு வருவோம் .அப்புறம் அந்த டிரஸை போட்டு கிட்டு நண்பர்கள் வீட்டுக்கு அப்படியே ஒரு ரவுண்டு (எல்லோருக்கும் நாங்க போட்டு இருக்கும் டிரஸ் காட்டுவோம்) அவர்கள் வீட்டில் சுட்டு இருக்கும் பலகாரங்களை சாபிட்டுக்கிட்டு வெளியே வருவோம் .

முன்பெல்லாம் எறி பட்டாசு உண்டு இப்போது அது தடை செய்யப்பட்டு உள்ளது அதை கொஞ்சம் பாக்கெட்ல போட்டு கிட்டு நண்பர்கள் புடை சூழ அவங்க அவங்க பிடிச்ச தெரு வழிய போவோம்.அங்கு போய் அதை சுவரில் எறிவோம் அப்ப தானே அவங்க வெளிய வருவாங்க (புரிஞ்சுகங்கப்பா ).இது 12 ஆம் வகுப்பு வரை .

அதற்கப்புறம் காலேஜ் .பிரெண்ட்ஸ் கிட்ட அப்படியே ஒரு பொய் சொல்வோம் மக்கா நேத்து நைட் செம்ம பார்ட்டி சரியான டைட் (எல்லாம் ஒரு பில்டப் தான்).அதுக்கப்புறம் சின்ன பசங்க பட்டாசு வெடிக்கிறத கேலி செய்ஞ்சு கிட்டு அவன் பத்தியை கிட்டே கொண்டு போகும் போது டமார்ன்னு சத்தம் போடுறது .அவன் அழுதுகிட்டே அம்மா கிட்ட போய் சொல்லுவான் .அவன் அம்மா வெளியே வந்து மக்கா புள்ளைய பயமுறுத்தாதே, தம்பி மக்கா என்பார்கள் சரி சித்தின்னு சொல்லிக்கிட்டு அப்படியே நண்பர்கள் புடை சூழ நம்ம தலைவர் நடிச்ச படத்த பார்க்க போறது மத்தியானம் வீட்டுக்கு வந்து பிரியாணியை ஒரு புடி ..ஹையோ ஐயோ தீபாவளின்ன அப்படி ஜாலியா இருக்கும் .ஊரில் தீபாவளி விழா கொண்டாடுவோம் விளையாட்டு போட்டி ,பாட்டு போட்டி இப்படி பலவிதமாக சந்தோஷ திருவிழா .இரவு திரைகட்டி படம் போடுவாங்க ஊரே வந்து படம் பார்க்கும் .

ஒரு தடவை நான் 12வகுப்பு படிக்கும் போது ஒரு பெரிய ஆள் நல்ல தண்ணி அடிச்சிட்டு வந்தாரு என் நண்பன் ஒருத்தன் அனு குண்டு ஒன்னு கொளுத்தினான் அது சரியா வெடிக்கலா உடனே அதை காலால் எட்டி மிதித்து தள்ளி விட்டான்.அந்த ஆள் அதை எடுத்து தன பேண்ட் பாக்கெட்ல போட்டுட்டான் . என் நண்பனும் அடுத்த குண்டை கொளுத்தினான் ஆனால் ரெண்டு சவுண்ட் கேட்டது .திரும்பி பார்த்தா அந்த ஆள் ஆ ........ஓஒ .....ன்னு சத்தம் போடுறாரு .பாக்கெட்ல இருந்த குண்டு வெடிச்சிட்டு கற்பனை பண்ணி பாருங்க. இப்ப நினச்சாலும் நெஞ்சு பதறது பிறகு எல்லோரும் தூக்கி கொண்டு ஆஸ்பத்திரி நோக்கி ஓடினார்கள் . விளையாட்டு விபரீதம் ஆகிவிட்டது ....

இப்ப என்ன எல்லோரும் தீபாவளி கொண்டாடுறாங்க .எல்லாம் குளிச்சிட்டு பேருக்கு ரெண்டு பட்டாசு விட்டுகிட்டு தொலைகட்சி பெட்டி முன்பு இருகாங்க.அப்போ இருந்த தீபாவளி வேற இப்ப பசங்க கொண்டாடுற தீபாவளி வேற ............

சரி எல்லோருக்கும் தீபாவளி நல் வாழ்த்துக்கள்.

குட்டீஸ் இருக்கும் வீட்டில் அப்பா மார்கள் குழந்தைகள் பட்டாசு வெடிக்கும் பொழுது பக்கத்தில் இருந்து பார்த்து கொள்ளவும் .அத விட்டு போட்டு யாராவது தொலைகாட்சில பட்டிமன்றம் பார்த்தேன் ,திரிஷா சிரிச்சான்னு சொல்லாம குழந்தைகளுடன் சந்தோசமாக தீபாவளி கொண்டாடுங்கள் ..

பிரபலபதிவர் தள்ளிக்கிட்டு வந்த புது பைக்

2010-10-13T21:17:00.000-07:00

இது ஒரு பிரபல பதிவரின் பைக் .

இது எங்க வாங்கினாரு .எப்படி வாங்கினாரு என்பதல்லாம் எனக்கு தெரியாது .

இவரு தனியாக வீடு வாடகைக்கு புடிச்சு .வாஷிங் மிசின்,fridge ,A/C,இலவச காஸ் அடுப்பு ,இலவச கலர் T .V .ஊரில் இலவச வீட்டு  மனை பட்டா எல்லாம் வாங்கிட்டாரு .ஆனா..........................

இன்னும் கலயாணம் பண்ண பொண்ணு மட்டும் கிடைக்க வில்லை  .

அந்த பிரபல பதிவர் யாருன்னு உங்களுக்கே தெரியும் என்று நினைக்கிறன்.பிரபல பதிவர் கிட்ட கால காலத்துல ஒரு பொண்ண பார்த்து மாலைய  கழுத்துல போடுடா ன்னு சொன்ன .பயபுள்ள பைக் கழுத்துல மாலையை போட்டு இருக்கான் பாருங்க ?

இதில் இன்னொரு காமெடி வேற இருக்கு. கேட்ட எனக்கே தலை சுத்துது பிரபல பதிவருக்கு இன்னும் பைக் ஓட்ட தெரியாது . அந்த பைக் அ எங்க இருந்து எடுத்தாரோ ஆங்கே இருந்து தள்ளிகிட்டு வந்திருகார்னா பாருங்களேன் . அதான் நான் சொன்னேன் ரெண்டு மாடு வாங்கி வண்டி ஓட்டுடான்னு சொன்ன கேக்கமாட்டுறான் . பிரபல பதிவருக்கு வேற இன்னும் கல்யாணம் ஆகலை பைக் ஓட்டி படிக்கும் பொது கீழ விழ வேண்டியது இருக்கும். ம்ம்ம்ம்ம்ம்ம்ம் என்ன செய்ய போறனோ .

இன்னொரு பிரபல பதிவர் தம்பி நீ கூடிய சீக்கிரம் கார் வாங்கனும்ன்னு வேற வாழ்த்தி இருக்கார்.(நீங்க தான் ஆஸ்பத்திரி செலவு செய்ய வேண்டியது வரும் )

யோவ் மங்குனி , பன்னிகுட்டி ராமசாமி , terror , செல்வா , அருண் இது என் பைக் ரெண்டு நாளா காணலை தேடிகிட்டு இருக்கேன் அப்படின்னு சொல்ல கூடாது . இது திருட்டு பைக் இல்லை. இதுக்கு மேலயும் இல்ல என் பைக் காணலைன்னு சொன்ன சிரிப்பு போலீஸ் கிட்ட புகார் மனு கொடுக்கவும்

டிஸ்கி : அந்த பைக் வாங்கின பிரபல பதிவர பார்த்த விறைப்பா நிக்கிற போலீஸ்காரன் கூட சிரிப்பா சிரிப்பான்

நண்பன்டா(சவால் சிறுகதை)

2010-10-10T23:39:00.000-07:00

இடம் :HEB கிளினிக் சென்னை

A/C அறையில் மயக்கம் தெளிந்த நிலையில் இன்ஸ்பெக்டர் காமினி படுத்து இருக்கிறாள்.தன் சிந்தனை முழுவதும் அபர்ணாவை எப்படியாவது காப்பற்ற வேண்டும் என்ற வேகம். மனதும் ,சிந்தனையும் படுத்து இருக்காதே விரைந்து செயல் படு என்று கூறுகிறது அனால் உடல் ஒத்துழைக்க மறுக்கிறது .டாக்டரும் ,ரெண்டு நர்சுகளும்.காமினி அருகில் வந்து நிற்கிறார்கள் .

டாக்டர் காமினியை பார்த்து என்னாச்சு இன்ஸ்பெக்டர் ஏன் மயக்கம் போட்டு விழுந்தீர்கள் என்று கேட்டு கொண்டே ஊசி போடுகிறார் .

"காமினி ஒன்றுமில்லை டாக்டர் காலையில் சரியாக சாப்பிட வில்லை அதனால தான என்னோவோ தெரியலை "என்றாள்

ஆனால் மனம் முழுவதும் அபர்ணாவை எண்ணி கொண்டே இருக்கிறது.தாமதிக்கும் ஒவ்வொரு வினாடியும் ஆபத்து என்று மனம் கூறிக்கொண்டே இருக்கிறது

டாக்டர் "காமினி நீங்க ரெண்டு நாள் நல்ல ரெஸ்ட் எடுக்க வேண்டும்" .

காமினி சரி டாக்டர் .

டாக்டரும் ,நர்சுகளும் அறையை விட்டு சென்ற உடன்

காமினி எழுந்து தன் முகத்தில் இருந்த மாஸ்கை அக்ற்றிவிட்டு, வயர்களையெல்லாம் பிடுங்கி விட்டு அருகிலிருந்த கண்ணாடி ஜன்னலைத் திறந்து வெளியே குதித்தாள்.

நேராக ஆட்டோ ஸ்டாண்டின் பக்கம் போய் ஆட்டோ என்றாள் .ஒரு ஆட்டோகாரன் வணக்கம அம்மா என்றான் .இவனுக்கு நான் இன்ஸ்பெக்டர் என்பது தெரிந்திருக்கிறது என்று மனதினுள் நினைத்து கொண்டாள்.

ஆமாம் .வீட்டுக்கு போப்பா என்றாள் காமினி ......

வீடு வந்தது காமினி பிறகு ஸ்டேஷன் க்கு வந்து காசு வாங்கிகொள் என்றாள் .சரிம்மா என்று ஆட்டோகாரன் சென்று விட்டான்.

வீட்டிற்க்கு வந்து அழைப்பு மணியை அமுக்கினாள் .

தன் கணவர் பாஸ்கரன் வந்து கதவை திறந்தான்

என்னங்க எதாவது போன் வந்ததா என்றாள் வீட்டினுள் வந்தவாறே.

கதவின் பின்னால் ஒருவன் நின்று கதவை மூடிக்கொண்டு

“ஸாரி.. எனக்கு வேற வழி தெரியலை” என்று காமினியின் நெற்றிப் பொட்டில் துப்பாக்கியை வைத்தான் சிவா."

சிவா வைர கடத்தல் கும்பலின் தலைவன் பரந்தாமனின் தம்பி ........காமினி மேடம் நீங்க நேற்று பிடித்த வைரம் எங்கே என்றான் .

காமினி இது யாரு உன் நண்பர் என்று சொன்னான் .

"காமினி மேடம் வர சொன்னாங்க வீட்டுக்கு என்றான்" இன்னும் சற்று நேரத்தில் வந்து விடுவாய் என்று கூறினான் அதனால் தான் உள்ளே இருக்க சொன்னேன் என்று எதுவும் தெரியாத தன் அப்பாவி கணவன் பாஸ்கரன் சொன்னார் .

என் மகள் அபர்ணாவை நான் பார்க்கணும் பார்த்தால் தான் நான் வைரத்தை உன்னிடம் ஒப்டைபேன் என்றாள் ....

பாஸ்கரன் "மகளை கடத்தி விட்டார்களா " என்றான் கண் கலங்கியபடி.

நீங்க அமைதியாக இருங்கள் யாருக்கும் எந்த தகவலும் கொடுக்கவேண்டாம் என் துறையையும் சேர்த்து தான் சொல்கிறேன் ....என்றாள் காமினி ....

சரி என்றான் பாஸ்கரன் ........

காமினி சிவாவுடன் ஆட்டோ ஸ்டான்ட் நோக்கி நடந்து சென்றாள் .

"ஆட்டோ " என்றான் சிவா

ஆட்டோ காரன் வந்தான், தான் வீடு வந்த அதே ஆட்டோகாரன் .வணக்கம் அம்மா என்றான்.

இவன் யாரு அந்த ஸ்டாண்டில் நின்றே அதே ஆட்டோகாரன் இங்கும் நிற்கிறான் என்று எண்ணினாள் .ஒரு வேளை இவனோட ஆளாகவே இருக்கலாம் .
"சிவா இடத்தை சொல்லுங்க என்றாள் " காமினி .
காமினியின் எண்ணம் முழுவதும் தான் செல்ல மகளுக்கு ஒன்றும் ஆகிற  கூடாது என்றே எண்ணமே வியாபித்திருந்தது .

ஆட்டோ சிவா சொன்ன வீட்டின் அருகில் போய் நின்றது .சிவா ஆட்டோவுக்கு 100 ரூபாய் நீட்டினான் .ஆட்டோகாரன் சென்றவுடன் போய் கதவை தட்டினான் .

கதவை திறந்தவுடன்  உள்ளே இருவரும் சென்றனர் .

வீட்டினுள் பத்து பேர் இருந்தனர்.உள்ளே இருந்து  பரந்தாமன் வந்தான் .

"வாங்க இன்ஸ்பெக்டர் காமினி .வைரம் எங்கே என்றான் " பரந்தாமன்

தன் ஹான்ட்பாக்கில் இருந்த வைரத்தை எடுத்து காட்டினால் காமினி

“காமினி... வெல்டன்.. எப்படியோ போலீஸ் கண்ல மண்ணைத் தூவிட்டு இந்த டைமண்டைக் கொண்டு வந்துட்டியே” என்று பாராட்டினார் பரந்தாமன்.

"என் மகளை முதலில் என்னிடம் ஒப்பதைதால் தான் வைரத்தை தருவேன் "என்றாள்

பரந்தாமன் சிரித்தான் .நீ என் இடத்தில் தன்னம் தனியாக இருக்கிறாய் .என்னால் உன்னை எதுவும் செய்ய முடியும் ஆனால் எனக்கு வைரம் தான் முக்கியம் அது பல கோடி ரூபாய் மதிப்புள்ளது.என்றான்

உள்ளே இருந்து ஒருவன் அபர்ணாவை அழைத்து கொண்டு வந்தான் ......

"அம்மா " என்று ஓடிவந்தாள் அபர்ணா

தன் குழந்தையை அழைத்து கொண்டு வெளியே வரும் வேளையில்

கதவை உடைத்து கொண்டு 20போலீஸ் உள்ளே வந்து அனைவரயும் சுற்றி வளைத்து கைது செய்தது .

கூடவே அந்த ஆட்டோகாரனும் நின்றான் தன் கணவருடன் ............

பாஸ்கரன் தன் குழந்தையை தூக்கி கொண்டு .........

இவன் நம் பக்கத்துக்கு தெருவில் உள்ள ஆட்டோ ஸ்டாண்டில் ஆட்டோ ஓட்டுகிறான் .என் பள்ளி நண்பன்

உன்னை நன்றாக தெரியும் .ஒரு சவாரியை ஆஸ்பத்திரியில் இறக்கி விட வந்தவன் வேற சவாரி கிடைக்காத என்று பார்த்த பொழுது நீ கூப்பிட்டு இருக்கிறாய் .நேராக வந்து இறக்கி விட்டான். பின்பு அதே ஆட்டோவில் சிவாவும் ,நீயும் போய் இருக்கீங்க.

போகும் பொது உன் முகம் ரொம்ப சோகமாக இருப்பதாய் பார்த்து விட்டு நேரா நம் வீட்டுக்கு வந்து விஷத்தை கேட்டான் .நான் சொல்லமாட்டேன் என்றேன் அவன் நான் உன் "நண்பன்டா"என்ன விசயம் என்று வற்புறுத்தினான் .நானும் சொல்லிவிட்டேன் .

உடனே அவன் என்னையும் அதே ஆட்டோவில் ஏற்றி கொண்டு உன் B2 போலீஸ் ஸ்டேஷன்ல போய் எல்லா விசயத்தையும் கூறினான் .

அவர்கள் இடத்தை மட்டும் காட்டு மற்றதை நங்கள் பார்த்து கொள்கிறோம் என்றனர் .

இதோ அனைவரும் கைது செய்ய பட்டனர் .....

காமினி ஆட்டோ காரனிடம் உனது பேர் என்றாள்

"பாபு "என்றான்

பாபு இன்றில் இருந்து நீ என் உடன்பிறவா சகோதரன் என்றாள் .

பாஸ்கரனுக்கு தன் நண்பனால் தன் குழந்தை பத்திரமாக கிடைத்தது ........